Akstursíþróttafélag HreppaKappa

Fluttir....

2008-06-25T09:52:00.001Z

www.hreppakappar.is

Erum fluttir á nýja staðinn þó hann sé ekki alveg tilbúinn. En þetta er allt í vinnslu.

EL GRJÓNÓ

Hvað er uppi?

2008-06-09T21:48:00.002Z

Jáhh, hér hefur ekki mikið verið ritað undanfarið. Skal reyna að bæta aðeins úr því með nokkrum línum.

Um helgina var fyrsta MX-mót ársins og einni það fyrsta sem Hreppakappar koma nálægt. Reyndar var þátttakan ekki alveg sakvæmt áætlun því í stað fjögurra manna Hreppakappaliðs keppti bara einn kappi og var það Egill Jóhannsson. Hann keppti í sínu fyrsta MX-móti, en þar sem Hondan þurfti nýja legu fékk hann KTM 450 lánað frá Jónsa í keppnina. Þar var mígandi rigning og rok þennan dag í Sólbrekku og margir þátttakendur. Skv My laps var Egill með þriðja besta tímann í B í tímatökunni og eftir það "run" biðum við í nokkra tíma eftir fyrra B-moto-inu. Þar lagði Egill af stað í 30 manna hóp. Hann var ekki vanur hjólinu og klikka því smá í startinu með því að setja framdekkið frekar bratt. Svo þegar í fyrstu beygju var komið lenti hann á eftir einhverjum sem stoppaði og tafðist þar einni. Svo fljótlega í fyrsta eða öðrum hring sprakk framdekkið hjá honum. Með sprungið framdekk, aftarlega í sleipri og erfiðri brautinni leit þetta ekki neitt voðalega vel út á þessum tímapunkti. Það breytti því samt ekki að eftir fyrsta hringinn var hann orðinn 7undi og ég horfði á hann skauta inn í eina beygjuna og koma 6. út úr henni. Hringinn þar á eftir var hann orðinn 3. Fljótlega annar og svo sé ég hann í fjarska taka fram úr þeim fyrsta og var þar með orðinn fyrstur. Smám saman jók hann forskotið og á þeirri stundu var ríkjandi í huga mér hugsunin um það að við vorum búnir að ýta KTM-inu 4 sinnum í gang þennan daginn. Svo fara fremstu menn í hvarf í brautinni miðað við okkar staðsetningu og bróðir minn var að taka tímann. Svo segir bróðir minn að skv tímanum sé Egill að fara að koma "í mynd" aftur og við byrjum að leita. Þá kemur sá sem var númer eitt á undan Agli í mynd en ekki Egill. Hann kom bara ekki. Ég og Sigurbjörn bróðir rukum af stað til þess að leita að honum. Við fundum hann við einn pallinn. Ósáttann. Hjólið drap á sér og fór ekki í gang. Við kunnum Jónsa bestu þakkir fyrir lánið á hjólinu en því miður dugði það ekki nógu lengi til þess að nýta stöðuna. En eitt er þó víst eftir þetta, að okkar maður á sinn stað þarna í mótinu og hlakka ég bara til þess að sjá hann í næsta MX-móti.

Á miðvikudag fara svo 12 Hreppakappar í hinu frægu Estró-Testó-2008 sem er komin með nýtt nafn. En það mun vera TESTÓSTERÓN 2008 því engar dömur koma með í þessa ferð. Reyndar var hópurinn farinn að telja 20 manns en íbúðakaup, slæmt líkamsástand og sumarskóli var að taka menn úr, jahh ekki umferð en úr ferð.

EL GRJÓNÓ

Til sölu

2008-05-27T22:06:00.000Z

MMC pajero sport V6 sjálfsk. árg. 2004 ek. 79.000 33" nýleg microskorinn heilsársdekk. Filmur, dráttabeisli.
Frekari uppl. í S: 868-5612 Ágúst

Fyrsta enduro-mót Hreppakappa...

2008-05-22T10:18:00.003Z

Ég var að setja inn myndir frá fyrstu enduro-keppninni sem Hreppakappar taka þátt í. Verð að skrifa meira um það seinna. Árangurinn kemur fram á myndasíðunni þar sem myndirnar er að finna. Einnig eru myndir frá keppninni á Nítró.is, Motosport.is og MXSport.is.

EL GRJÓNÓ

Estró-Testó-2008...

2008-05-21T18:28:00.002Z

Jæja, nú eru örugglega allir orðnir pirraðir á að ekkert gerist í kringum þessa góðu ferð okkar, en það er kannski ágætt að við vorum ekki búin að borga gistingar hér og þar. Því fyrstu tveir dagarnir eru "dottnir út". Þ.e.a.s. að Hella er nú lokuð fyrir hjólum og einnig er búið að loka á hjól á Sólheimasandi. Sem þýðir að það sem er í boði í þessari ferð er Höfn, Egilsstaðir, Akureyri, Sauðárkrókur, Ólafsvík og Akranes. Spurning hvort við ættum þá að leggja af stað á Höfn seinni partinn þriðjudaginn 10. júní og byrja að hjóla þar á miðvikudagsmorginum. Eyða svo seinni partinum í að keyra austur á Egilsstaði og hjóla þar. Taka svo föstudaginn í að koma okkur á Akureyri, hjóla þar MX, keppa í enduro..... meira seinna...

Myndir frá Head2Head...

2008-05-07T07:21:00.003Z

Jæja, þá eru loksins komnar inn einhverjar myndir frá Head2Head mótinu sem við héldum 26. apríl. Þær er að finna í myndasafninu okkar eða bara líka HÉR. Einnig eru nokkrar myndir frá aðalfundinum sem fór fram sama dag. Ég vill þakka Gulla #111, Gumma Steinþórs og Skara sérstaklega fyrir komuna. Þó flestir okkar hafi ekki haft mikið í þá var mjög gaman að sjá þá keyra brautina okkar. Skemmtilegt "twist" sem gerði góðan dag enn betri. Það eina sem hefði betur mátt fara, er að það hefði verið gott að vera laus við rokrassgatið. Aftast vantar nokkrar stökk-myndir en ég fæ þær á næstunni.

EL GRJÓNÓ

Töff, töff, töff...

2008-04-23T16:19:00.003Z

Smellið á myndina fyrir RacerX-myndband sem er alveg "hefty fine"! Töff lag líka...

EL GRJÓNÓ

Skráningarfrestur á mótið rennur út klukkan 12:00 föstudaginn 25. apríl...

2008-04-21T17:07:00.003Z

Ég er að setja upp keppnisfyrirkomulagið og það væri gott ef allir gætu skráð sig sem fyrst. Ég nenni ekki að hlusta einhvern skrá sig á mótið 5 mínútum eftir að það byrjar og kvarta síðan undan því að það sé ekki skipulag í gangi. Ég er búinn að henda upp uppkasti að fyrirkomulaginu. Það má sjá hérna niðri. Númerin í reitunum standa fyrir rásröðina. Hún gæti breyst eitthvað og gerir það að sjálfsögðu ef fleiri bætast við. Undir rest gæti verið stutt á milli umferða hjá mönnum en það verður bara að hafa það. Ætlunin er að breikka brautina og hafa hana styttri. Það eykur möguleika á framúrakstri en styttir hringinn þannig að við munum líklega hafa 2 eða jafnvel 3 hringi í hverri umferð.

Smellið á myndina til þess að sjá hana betur.

Og ég fékk póst varðandi keppnisnúmerin. Þeim verður úthlutað í næstu viku og þá ætla ég að sækja um þau aftur. Ég læt ykkur vita hvernig það fer.

EL GRJÓNÓ

Head2Head keppni í MX í Hverabakkagryfjunum 26. apríl 2008 eftir aðalfundinn...

2008-04-18T14:51:00.003Z

Já, þið lásuð rétt. Nú höldum við bara æfingu (mót) heima. Úr því að allir verða á svæðinu þennan dag út af fundinum, þá er um að gera að menn hafi með sér hjólin og við gerum eitthvað grín. Stefnum á að þetta byrji upp úr klukkan 16:00. Þá verðum við vondandi búnir að koma öllum fundamálum frá.

Æft (keppt) verður í tveimur flokkum. Ég lét það nú ráðast af vélastærð. En við skoðum síðan hvort menn verði ekki eitthvað færðir á milli flokkar miðað við aldur og fyrri störf. Byrjum bara á byrjuninni. Þar sem þetta er æfing og þá æfum við allir á eigin ábyrgð og því er skráning hjóla ekki skilyrði. En ég vill ekki fá menn inn á skítugum skónum í ræktina mína og hér eru þá nokkrar grundvallarreglur:
1. Kúplings- og bremsuhandfang skal hafa kúlu á endanum. Einn brotinn endi dæmir menn úr leik.
2. Pústkerfi verður að vera hjólinu til þess að takmarka hávaðamengun. Kraftpúst á borð við FMF og Pro Circuit eru leyfð svo lengi sem þau eru í lagi.
3. Hjólið má ekki leka olíu eða bensíni við það eitt að standa upprétt. Sóðaskapur verður ekki liðinn.
4. Krafa verður gerð á ökumenn að vera í viðurkenndum MX-skóm, með hjálm, gleraugu, brynju og í buxum úr slitsterku efni. T.d. MX-buxur. Mælst er til þess að kragar, hnéhlífar eða -spelkur, olnbogahlífar og nýrnabelti séu notuð.
5. Ölvun eða áhrif annarra efna sem hafa áhrif á viðbragð og hegðun dæma menn að sjálfsögðu úr leik.
6. Iðkendur (keppendur) undir 18 ára aldri (dagurinn gildir) verða að mæta með skriflegt leyfi frá foreldrum. Foreldrum þeirra iðkenda er velkomið að hafa samband við formann fyrir frekari upplýsingar. Sími: 866-9035 eða elgrjono@gmail.com.
7. Tveir menn keyra brautina í einu og keppa við hvorn annan. Allir keppa einhvern tímann við alla og vinnur sá sem hefur flesta sigra eftir eina umferð við alla. Til bráðabana kemur ef menn eru jafnir eftir eina umferð. Skipst verður á að starta úr hvorum flokki. Þjófstart jafngildir tapi.
8. Iðkendur verða að vera félagsmenn AHK. Hægt er að skrá sig með því að hafa samband við stjórn og einnig á fundinum. Minnum á félagsgjaldið sem er 5.000 krónur fyrir árið.

Þessar reglur eru birtar með fyrirvara um breytingar og áskilur stjórn sér fullan rétt til þess að breyta þeim til þess að auka öryggi iðkenda eða auka skemmtanagildi keppninnar.

Svo um kvöldið vona ég að við getum komið saman einhvers staðar og grillað. Þeir sem hafa aldur til fá sér kannski aðeins af öli en áfengisdrykkja félagsmanna undir aldri verður ekki liðin.

Gott væri ef allir gætu skráð sig sem fyrst svo ég geti sett upp skipulagið fyrirfram og haft það klárt þegar að keppni kemur svo ég geti líka verið með og til þess að spara tíma. Og látið endilega alla vita sem mögulega fara ekki hingað inn á síðuna. Skráning fer fram hér í athugasemdum eða með því að hafa samband við einhvern úr stjórninni. Fyrir frekari upplýsingar er bent á að hafa samband við formann. Símanúmer og netfang er að finna ofar í pistlinum.

Með vinsemd og virðingu
EL GRJÓNÓ

Aðalfundur AHK verður haldinn 26. apríl klukkan 14:00 á Útlaganum...

2008-04-14T15:26:00.002Z

Já, nú er komið að hinum árlega aðallfundi. Hann verður haldinn á Útlaganum Flúðum laugardaginn 26. apríl næstkomandi klukkan 14:00.

Dagskráin hljómar svona:

1. Setning
2. Kjör fundarstjóra og fundarritara.
3. Skýrsla stjórnar og nefnda lagðar fram til umræðu og samþykktar.
4. Reikningar síðasta reikningsárs lagðir fram til umræðu og samþykktar.
5. Kosning nefnda sem starfa á aðalfundi.
6. Sjórn leggur fram fjárhagsáætlun fyrir næsta ár.
7. Tillögur til lagabreytinga og aðrar tillögur lagðar fram.
8. Umræður um tillögur, sem fram hafa komið.
9. Kosning lagabreytinga.
10. Kosning formanns.
11. Kosning stjórnarmanna.
12. Kosning skoðunarmanns reikninga.
13. Önnur mál.
14. Fundargerð lesin upp til samþykktar.
15. Fundarslit.

Tvö lagaákvæði eru lögð fram til breytingar. Þ.e. að færa til reikningsár félagsins og aðalfundinn. Þetta tvennt þarf að færa til keppnistímabils og er tillagan sú að aðalfundurinn verði þá haldinn í október. Þetta er gert í samráði við MSÍ sem stefnir á að færa sitt tímabil líka og ætlunin er að samræma öll félögin sem eru undir MSÍ í að gera slíkt hið sama.

Einnig verður þennan daginn eftir aðalfundinn FERÐAFUNDUR vegna ESTRÓ-TESTÓ-2008. Þannig að ef þið eruð skráð í ferðina þá er skylda að mæta á þann fund.

Og að lokum verður haldinn liða- og keppnisfundur þar sem farið verður yfir stöðu mála fyrir Íslandsmót.

Látum fundaboðið berast og látið félagsmenn vita sem hafa ekki aðgang að internetinu.

EL GRJÓNÓ

Hvað er í gangi...

2008-04-01T12:34:00.002Z

Ég er búinn að panta keppnisnúmer á nokkra aðila innan félagsins. Er ekki búinn að fá staðfestingu á því hvort við fengum þau.

Ég er búinn að ganga frá Felix kerfinu þannig að nú get ég búið til aðgang fyrir fólk á MSISport.is þannig að það getur skráð sig í mót. Þar var bilun sem ég fékk viðgerð á.

Ég er að vinna að fundarskipulagi og auglýsingu vegna þess að núna í apríl þurfum við að halda aðalfund og verður það sá síðasti sem haldinn verður í apríl. Við munum færa hann aftur í október.

Ég er að vinna í ársskýrslu fyrir félagið sem ég þarf að skila HSK svo að við fáum styrk.

Ég er búinn að vera í sambandi við tölvumenn og nýja síðan er í vinnslu.

Það sem ég þarf, er:

-að klára ársskýrsluna og ársreikninginn.
-að græja fundinn.
-tími
-30.000 króna styrk fyrir heimsíðunni og annan 20.000 fyrir léni og svæði.
-að græja ferðafund.
-tími.
-að græja liðafund.
-staðfesting á keppnisnúmerum.
-að drullast til þess að finna tíma til þess að vinna í svæðamálum.

Þeir sem geta reddað mér einhverju af ofantöldu, mega láta mig vita.

Annars vill ég benda mönnum á það að yngri meðlimir félagsins eru búnir að setja inn myndir af því sem þeir hafa verið að gera heima í sveit. Kíkið endilega á það. Gaman að sjá hvað þeir eru duglegir og hversu margir eru komnir á hjól.

Og ég stefni á að kíkja í Sólbrekkubraut á fimmtudaginn. Leggja af stað milli klukkan 16 og 17 svo ég nái góðum tíma í björtu. Þ.e.a.s. ef þeir loka ekki þá til þess að laga brautina fyrir helgina. Og þeir sem vilja koma með mér eru velkomnir.

EL GRJÓNÓ

Nýjasta tækið í flotanum...

2008-03-19T22:54:00.003Z

Ætlaði mér að setja inn myndir af nýju dóti hérna en hef ekki fengið myndir þó ég hafi beðið um þær. Þannig að nú set ég hér inn nýjasta dótið mitt. 2008 Honda CRF450-R. Alveg hrikalega skemmtileg græja!

EL GRJÓNÓ

Þykkvibær er enn á dagskrá á skírdag....

2008-03-19T22:15:00.002Z

Sælir sælir.

Þykkvibærinn er enn á dagskrá. Stefnan er að borða hádegismat og fara síðan af stað. Við verðum bara að passa að fara á bílum sem komast alveg niður í fjöru og svo þegar þangað er komið þá högum við okkur eins og menn. Látum hólana í friði. Fjaran er urrandi löng og svo er braut þarna. Það dugir okkur alveg.
Stefnan er tekin á Sólheimasand á föstudaginn langa. Nánar um það á morgun.

Ég held að við verðum því miður að slá skipulagið af 22. mars. Fresta því fram í apríl. Ég var að tilkeyra hjólið í dag og fór hring í hreppnum. Snjór, klaki og drulla eru alls ráðandi og ég segi að það borgi sig að bíða. Við gerum þetta bara almennilega þegar færi gefst.

Tjáið ykkur bara...

EL GRJÓNÓ

Það er babb í bátnum...

2008-03-18T11:14:00.001Z

Tekið af Morgan.is:

"Frá Þykkvabæ
Tuesday 18. March 2008, 09:34
Góðan dag,

Nokkrir ábúendur í Þykkvabæ eru orðnir ansi þreyttir á umferð hjóla í Þykkvabænum. Ástandið er orðið hreint út sagt eins og að búa við Laugaveginn nema hvað umferðarhraðinn er talsvert meiri.

Íbúðarhúsið mitt er t.d. rétt við veginn og útihúsin hinum megin við veginn - umferðarhraðinn er að lágmarki 90 km/klst framhjá stofuglugganum hjá mér.

Hávaðinn frá hjólunum er mjög þreytandi og engu líkara en að einhver sé að vinna allar helgar með loftpressu í nágrenninu.

Það er m.a. búið að keyra niður girðingar hjá okkur.

Við erum búin að fjárfesta tugi milljóna í okkar landi til að stunda okkar búskap og útivist og því eðlilegt að menn geti þó ekki nema gengið yfir götuna án þess að leggja sig í stórhættu vegna hraðaksturs.

Hér eru tamningamenn við vinnu sína og ekki eðlilegt að að þeir geti ekki notað sínar landareignir til að vinna í sínum hrossum - þið verðið að muna að Þykkvabæjarfjara er ekki almenningur heldur í einkaeigu Þykkbæinga.

Kveðja,
Kristín Bjarnadóttir
Stóra-Rimakoti "

Jæja strákar. Hvað gerum við nú? Ætlum við að vera plága eða eigum við að sýna tillitssemi og reyna að færa hjólaríið eitthvert annað? Er eitthvað hægt að notast við gryfjurnar í Þjórsárdalnum eða vitið þið um svæði sambærilegt Þykkvabænum sem hægt er að notast við? Það er nú ekki nógu gaman að þessu ef maður veit af óánægðum landeigendum.

EL GRJÓNÓ

Freeride

2008-03-17T22:06:00.001Z

Upphitun fyrir sumarið. :)

kveðja

Ágúst

DRULLA!!!

2008-03-12T10:08:00.003Z

Ég er ekki mikið fyrir það að nota frasa úr næturvaktinni, en, SÆLL! Eigum við að ræða drulluna eitthvað? Nei, ég hélt ekki. Supercross-ið í Daytona sem fór fram síðasta laugardag og verður sýnt á Sýn núna á föstudaginn virðist vera eitthvað til þess að horfa á. Sjáiði drulluna. Ég ætla að ná í keppnina á netinu. Hægt er að finna torrent-linka inni í athugasemdum á Morgan.is

EL GRJÓNÓ

Hugmynd...

2008-03-10T09:23:00.003Z

Ég var að velta einu fyrir mér. Eigum við ekki að safnast saman og fá okkur að hjóla í Þykkvabænum á skírdag eða föstudaginn langa? Hef heyrt að jeppaferð sé á dagskránni um páskana þannig að þeir sem í hana ætla komast kannski frekar að hjóla á skírdag. Og svo um kvöldið væri tilvalið að hittast og halda ferðafundinn fyrir ferðina góðu. Bara hugmynd, tjáið ykkur. Yngri meðlimir félagsins hefðu líka bara mjög gott af því að koma með.

Málið dautt...

2008-03-05T10:33:00.002Z

Já, þetta virðist bara vera dautt batterí. Ef einhver getur útvegað mér fleiri klukkustundir í sólarhringinn þá gæti ég gert meira. Þá lýtur út fyrir það að ferðafundurinn verði ekki fyrr en um páska.
Við erum að fara á þing MSÍ þann 15. mars. Ég mun fara ásamt einhverjum tveimur öðrum. Þar verður stefna MSÍ mótuð enn frekar.
Þing HSK var um helgina en Hreppakappar voru ekki með fulltrúa þar. Smá samskiptaörðugleikar og tímaleysi olli því.
Mig langar til þess að hafa einhvern góðan dag með yngri meðlimum félagsins, laugardaginn fyrir páska. Ég er reyndar ekki búinn að útfæra það alveg, fer eftir veðri og aðstæðum. Það rignir þó núna en spurningin er, er veturinn að hverfa á braut? Og þó hann sé að fara núna, verður eitthvað farið að þorna um páska? Hverabakkabrautin verður örugglega eitt drullusvað, þannig að við verðum kannski að reyna að finna annað svæði til þess að fara á til þess að æfa okkur. Ef einhver er með hugmynd, þá endilega láta hana sjá dagsljós annað hvort með athugasemd hér eða senda póst á félagið.
Svo er aðalfundur í apríl og verður það líklega í síðasta skiptið sem hann verður haldinn í apríl. Stefna MSÍ er að færa allt til hausts, sem er góð stefna.

Hef lítið annað að segja í bili. Ég veit að það þarf að skeina málum hérna en ég mun reyna eftir megni að vinna að þeim málum. Ný síða er í smíðum. Það verður gaman að fá hana. Svo bíð ég bara eftir því að geta farið að hjóla af alvöru. Og ef þið vitið um einhvern sem er að leita að notuðu 450 crosshjóli og þæginlegu verði, látið mig þá vita.

EL GRJÓNÓ

RacerX...

2008-03-05T10:22:00.004Z

Smellið á myndina til þess að komast á RacerXFilms. Hérna inn koma oft flott og skemmtilega MX myndbönd. Viðtöl, æfingar, freeride og supercross-umfjöllun. Nauðsynlegt fyrir áhugamenn og -konur um moto- og supercross.

Smellið á myndina fyrir flott safn af bakgrunnum. Einnig eru RacerX með hrikalega flotta bakgrunna. Ég uppfæri reglulega því hér koma inn svo margar flottar myndir í flottri upplausn. Ef þú finnur ekki flottan bakgrunn þarna þá ættirðu að snúa þér að öðru áhugamáli. :)

EL GRJÓNÓ

Jæja...

2008-02-18T21:54:00.007Z

Anna Maren Hoe
Axel S. Arndal
Ágúst Scheving Jónsson
Árni Már Einarsson
Berglind Valdimarsdóttir
Björgvin Sigurðarson
Egill Jóhannsson
Einar Einarsson
Eiríkur S. Arndal
Erlingur Þór Cooper
Guðjón Garðar Steinþórsson
Guðmundur Ingi Einarsson
Hjálmur Hjálmsson
Jón Þór Tómasson
Ólafur Freyr Ólafsson
Sigurjón Snær Jónsson
Vilhjálmur Þór Gunnarsson
Ævar Agnarsson

Já börnin góð. Þetta er listinn yfir ferðalangana í Estró-Testó-2008. Nokkuð góð bæting frá því í fyrra þegar við fórum 4. Við ætlum að fara að vinna í því að athuga með gistingu og fleira fyrir 18 manns. Þeir sem vilja endilega fara sjálfir á bílum, geta "plöggað" ódýra gistingu, geta "plöggað" verkstæðisaðstöðu, geta "plöggað" hafrakexi eða bara HVERJU SEM GÆTI BÆTT ferðina er bent á að hafa samband við stjórnina sem fyrst. Þó markmiðið núna sé að fara á Ford Econoline og Dodge Ram sem er líklegur til þess að geta ferjað öll hjólin. En það er allt í vinnslu. Ferðafundur væntanlegur og mun hann fara fram í Reykjavík.

Meira seinna. Farið að pæla.

EL GRJÓNÓ

Allir að skrá sig...

2008-02-18T10:01:00.002Z

SMELLA HÉR!

Atlantsolía safnar undirskriftum í okkar þágu. Markmiðið er að fá leyfi fyrir því að selja litað bensín á vélknúin ökutæki sem notast ekki við göturnar. Enda mjög óréttlátt að við séum að borga gjöld af eldsneytinu þegar við fáum gjörsamlega EKKERT fyrir það. Þannig að ég skora á alla að skrá sig.

EL GRJÓNÓ

,,Það er ekkert í þessum heimi frítt." Milton Friedman

2008-02-11T08:42:00.000Z

Ég hef verið að upplifa misjöfn viðbrögð við því sem stjórn félagsins er að gera. Hrunamenn sem eru ekki í félaginu, hestamenn og fleiri sem stunda ekki akstursíþróttir hafa komið á mál við mig persónulega og tjáð mér að þeir séu mjög ánægðir að það sé komið félag sem heldur utan um þessi áhugamál og sé með það á stefnuskránni að finna svæði fyrir okkar "starfsemi". Þeir hafa líka tjáð mér að þeir séu almennt ánægðir með iðkendur þessara greina í Hreppnum því þeir drepi á hjólunum og sýni tillitsemi. Og þetta segja menn við mig persónulega. Svo lenti einn stjórnarmaður í því að lenda í rifrildi út af málum tengdum félaginu við drukkna menn á Útlaganum. Og það virðist stundum sem menn hangi í hópum og tali illa um félagið og eru að tjá sig um mál sem þeir vita ekkert um, af því að þeir lesa ekki síðuna og mæta ekki á fundi. Og þetta ERU MENN INNAN FÉLAGSINS. Enginn þeirra hefur nokkurn tíman komið á mál, edrú, við stjórnina og beðist skýringa eða komið með athugasemdir. Þeir hafa ekki einu sinni mætt á fundi til þess að kynna sér málin. Þannig að menn sem gætu haft hagsmuna að gæta í því að félagið nái að vaxa og dafna skemma fyrir því. Laga- og stjórnarbreytingarnar fyrir áramótin voru gerðar í samráði við UMFÍ og lögfræðing. Félagsgjöldin eru sett á í samræmi við reglugerðir félagsins og í samráði við lögfræðing. Svo eru einhverjir "besservisserar" að halda því fram að þetta hafi verið ólöglegt. Án þess að vita nokkuð um það eða gert tilraun til þess að mótmæla. Halda því fram að fundurinn hafi verið á vonlausum tíma. Skoðanakönnun vegna fundarins var sett á síðuna 1,5 mánuði áður en hann var. Þar kaus enginn "Nei." Og hann var auglýstur með 2 vikna fyrirvara skv. reglugerðum.
Varðandi félagsgjöld. Í greininni þar sem ég svaraði fyrirspurnum sagði ég hvað stæði til með félagsgjöldin. Í tilkynningunni um félagsgjöldin sem hefur nú verið birt 2svar kemur SKÝRT fram að þeir sem ætla í ferðina borga auka 5.000 krónur sem fara upp í ferðina. Hinn 5.000 kallinn fer í starf félagsins. Ég hef alltaf talað um að það sé eitthvað sem allir njóta góðs af. Kerfisfræðingur er núna að smíða alvöru heimasíðu fyrir okkur. Hún kostar 30.000 kr. Lén-ið Hreppakappar.is kostar 12.000 kall í stofngjald og síðan 1.640 á mánuði eftir það. Það er dæmi um eitthvað sem félagsgjöldin gætu nýst í ef við fáum ekki styrktaraðila á það. Sem einnig heyrðust háværar raddir um að ætti að gera, en ekki fóru þeir menn í að finna styrktaraðila. Nei. Þeir eyddu frekar tímanum í að tala illa um félagið og rífast.
Öll SMS sem hafa verið send í félaginu hafa verið á minn kostnað. Ég hef þurft að skjótast frá vinnu til þess að redda hlutum fyrir félagið. Það kostar mig peninga. Ég ætla ekki einu sinni að reyna að birta tölur yfir það sem Gröfumenn ehf eru búnir að gera fyrir félagið, með því að gefa félaginu tímatökubúnað og útbúa t.d. fyrir okkur tvær akstursíþróttabrautir um verslunarmannahelgina. M.a.s. áhugamannaklúbbar í fótbolta innheimta félagsgjöld. Þetta félag á mikla uppbyggingu fyrir höndum sem kostar peninga.
Þetta er akstursíþróttafélag en ekki fýlupúkafélag. Þeir sem vilja vera í því síðarnefnda sleppa því að borga félagsgjöldin. Þeim sem vilja taka þátt í starfi félagsins og uppbyggingu tekur stjórnin fagnandi. Þeir sem hafa ekki það sem þarf til þess að framkvæma hlutina ættu að hætta að trufla þá sem eru að reyna það.

f.h. stjórnar
Sigurjón "EL GRJÓNÓ" Snær Jónsson frá Berghyl

Félagsgjöld og fleira... ENDURBIRTING/ÁMINNING

2008-01-28T09:09:00.000Z

Jæja. Nú er það make or brake eins og einhver sagði. Nú skiljum við kjarnann frá hisminu. Nú verða félagsgjöld Hreppakappa að veruleika. Þeir sem eru fæddir árið 1991 og fyrr þurfa að greiða 5.000 krónur í félagsgjöld FYRIR 16. FEBRÚAR 2008. "Eindagi" er 15. febrúar og þeir sem verða ekki búnir að greiða þá verða teknir af félagaskránni. Og þeir sem ætla líka í Estró-Testó-2008 verða að greiða 5.000 króna staðfestingargjald í leiðinni. (5.000 kr + 5.000 kr = 10.000 kr). Þannig að kvöldi 15. febrúar er stjórn með endanlegan lista félagsmanna og ferðalanga í Estró-Testó-2008. Reikningsnúmerið sem leggja á inn á er 0319-26-6505 og kennitala félagsins er 650507-0370. Stjórnin mun sjá í heimabankanum hverjir eru búnir að borga og merkir það hjá sér. Félagsgjöldin munu mögulega fara í heimasíðu, árshátíð, ferðalag eða námskeið. Það verður allt rætt á aðalfundi félagsins sem fram fer í apríl.

Þegar listinn yfir ferðalangana er orðinn klár verður haldinn fundur með þeim sem á honum eru til þess að hefja nákvæma skipulagningu hennar. Það verður auglýst síðar.

Yngri félagsmenn. Nú ætla ég að reyna að snúa mér að ykkur. Þannig er mál með vexti að fram að páskum verður ekki mikið um að vera í félagsstarfi vegna anna hjá stjórn. En við viljum fara að gera eitthvað fyrir ykkur. Því setti ég inn skoðanakönnun sem ég vill að yngri meðlimir félagsins svari. Hugmyndin er að við í stjórninni tökum okkur til laugardaginn 22. mars (dagurinn fyrir páskadag) og tökum ykkur yngri á námskeið. Þetta er bara hugmynd á frumstigi en þá myndum við kannski byrja á því að hittast einhvers staðar í skemmu með hjólin okkar og fara yfir viðhald og ástand hjóla. Sýna ykkur það helsta sem þarf að fylgjast með og annað slíkt. Síðan ef að aðstæður leyfa, þá myndum við fara í Hverabakka-brautina þar sem við hjólum saman og við reynum að miðla reynslu okkar til ykkar. Endilega svarið könnuninni og tjáið ykkur í athugasemdum um málið. Komið einnig með hugmyndir að einhverju sem við getum gert fyrir ykkur.

Látið orðið berast um félagsgjöldin því það fer mikill tími í að segja öllum 3svar frá því. Ég bara hef EKKI tíma í það. "You snooze, you lose."

EL GRJÓNÓ

Nýjar myndir í albúmi...

2008-01-27T00:52:00.001Z

Skellti inn myndasafni úr sleða- og jeppaferð sem Jónsi og Bangsinn fóru í. Smellið bara yfir í myndaalbúmið.

EL GRJÓNÓ

Kapparnir laða að...

2008-01-23T22:53:00.000Z

Já Kapparnir laða að bæði ljósmyndara og konur. Ég þarf að fara meira um í peysunni minni með því hugarfari að ég sé að fara að "hözzla feitt".

EL GRJÓNÓ

Supercross-ið á Bar Uno á föstudagskvöldið...

2008-01-23T08:34:00.000Z

Já, Bar Uno, Engihjalla 8, mun sýna frá 450 flokknum í Supercross á risaskjá á föstudagskvöldið klukkan 9. Heyrst hefur að tilboð verði á barnum á meðan Reed og félagar taka á því. Þetta er líka síðasti sénsinn til þess að sjá James "Bubba" Stewart keppa í Supercross-i þetta árið. En hann gaf út eftir þessa keppni að hann mun taka sér frí frá Supercross-inu til þess að leyfa meiðslum á hné að gróa fyrir Outdoor MX nationals. Það verður gaman að sjá hvort Reed, Windham, Langston eða Alessi hafi haft betur en hann í þessari keppni. Svo verður einnig gaman að sjá í vetur hver þessara mun tróna á toppnum í lok tímabils.

EL GRJÓNÓ

ps. þegar ég tala um keppnina í þátíð, er það vegna þess að hún fór fram á laugardaginn en verður sýnd á Sýn á föstudaginn. Þeim sem kjafta frá verður boðið í teppapartý. Teppapartý er ekki jafn skemmtilegt og það hljómar fyrir þann sem er boðið.

Bangsinn og Jónsi Prófuðu púðrið.

2008-01-21T12:56:00.000Z

Já það var falleg veðrið (alla vega miðað við út sýnið á þessari mynd) sem tók á móti ljósmyndara okkar við Þjónustumiðstöðina á Þingvöllum á laugardagsmorgun, þegar undirritaður og Gummi Bangsi fórum í samfloti með nokkrum jeppum upp að Lyngdalsheiði að leika okkur og tilkeyra nýjan M1000 frá AC.

Færið á fjöllum er varla fyrir smásleða og óvana menn hahaha.

En þeir lúkkuðu feitan á sléttunum.

Þetta er bara brot af myndumnum sem munu koma fljótlega í myndaalmbúmið.
og enn og aftur hvet ég sleðamennina til að vera í sambandi og kíkja með mér í smá túr.

Kveðja Jónsi #889# sími 8604431

Það snjóar og þessi er til sölu.

2008-01-17T19:16:00.000Z

Já piltar og pæjur, þetta djásn er til sölu. Crossfire Sno Pro 700cc árgerð 2006 ekinn 1464 kílómetra, neglt belti. Mjög, og þá meina ég mjög vel með farinn sleði sem er tilbúinn á fjöll. Áhv 870 þús. Verð 899,990 Upplýsingar í síma 860-4430 Bensi.

En kveðja Jónsi #889#

Við skulum ekki gleyma okkur...

2008-01-17T18:22:00.000Z

Strákar, förum varlega. Pössum þessar aðstæður sem þeir kalla "í hita leiksins". Það er stundum ekki einu sinni hægt að vera vitur eftir á. Þó menn lendi í því að verða bitrir eftir á. :)

Við verðum eitthvað að skipuleggja okkur ef við verðum kannski 16 að hjóla á Sólheimasandi.

EL GRJÓNÓ

Ááátssss.....

2008-01-17T18:19:00.001Z

Sko, þegar maður er á reiðhjóli í borginni, þá verður maður bara AÐEINS að pæla í hlutunum.

Mig langar bara að segja: ,,See yaa! Wouldn´t want to be yaa!"

EL GRJÓNÓ

Sleðaferð yfir Mýrdalsjökul.

2008-01-14T21:24:00.000Z

Já piltar og pæjur, það var ekki amalegt veðrið sem beið mín og félaga minna þegar við kíktum upp á Mýrdalsjökul og inn fyrir Strút um helgina. Færið var eins og best verður á kosið. S.s. púður í bland við harðfenni. Það var svo sem enginn djöflagangur. Það voru nokkrir nýliðar og nokkrir Doo-Doo sleðar. Nýliðarnir voru svolítið að festast í púðrinu og smeikir í giljunum, en það er ekki hægt að ætlast til að þeir fæðist fullkomnir í þetta. Ég var engu skárri þegar ég byrjaði. Doo-Doo-inn, góður sleði og allt það, nema að hann eyðir svakalegu bensíni. Mér fannst stoppin of mörg til að tanka.

Meðan byrjendurnir lærðu...

...tóku hinir hressilega á því.

Þetta er svona til að sýna ykkur félagsmönnum að það er meira en motocross í þessu félagi, þó það líti út fyrir það. Og ég veit að ég er ekki sá eini sem stunda sleðann svo ég legg til að við sem erum á sleðum smölum okkur saman og kíkjum einhvern góðan dag eitthvað í snjóinn. Væri til í að hitta þá á spjallinu sem fyrst =)

Kveðja, Jónsi #889#

Þéttpakkað...

2008-01-14T21:18:00.000Z

Það er heldur betur hjólasumar fram undan. Klaustur var slegin af og í staðin kemur 12 klukkustunda keppni í Bolöldu. En nú eru farnar að heyrast raddir sem segja að hjólarar eigi samt að taka frá helgina í lok maí. Því í bígerð sé 6 tíma Offroad Challenge nálægt Reykjavík. Og staðan er þá mögulega svona. 17. maí keppum við í fyrsta mótinu sem er enduro. Annað hvort á Hellu eða í Bolöldu að mér skilst. Helgina eftir það yrði þá keppnin sem kemur í staðin fyrir Klaustur. Svo 7. júní yrði fyrsta MX mótið sem haldið er í Sólbrekku og viku seinna yrði enduro á Akureyri. Sem er BY THE WAY í Estró-Testó sem hefst 9. júní og nær eitthvað um eða yfir 17. júní. Og helgina eftir það enduro-ið, varla komnir heim úr Estró-Testó, þá er 12 tíma keppni sem hefst á laugardagskvöldinu. Þannig að fyrir þá sem ætla að vera með metnaðinn segi ég; ,,Takið sumarið frá!" Það verður nóg að gera. Ef við fáum ekki keppnisreynslu í sumar þá held ég að við ættum bara að snúa okkur að fuglaskoðun eða leir. Talandi um leir, ég fæ bara sveran hnút í magann að hugsa um fyrsta startið. En þetta verður líka alveg ógeðslega gaman.
Hvað segja þeir sem ætla að keppna, eigum við að reyna að fá einhvern snilling til þess að reyna að segja okkur eitthvað aðeins til?? Bara svo séum ekki að hafa okkur sjálfa alveg að fíflum?

EL GRJÓNÓ

Fararskjóti Estró-Testó-2008...

2008-01-13T13:54:00.001Z

Jæja, við erum búnir að finna farartækið í að lesta dótið hringinn. Hægt er að taka 3 hjól á hvern bíl ásamt öllu dótinu og því væri gott að fá að vita hverjir ætla pottþétt með svo þeir geti smíðað réttan fjölda af bílum fyrir þessa ferð. Svo er bara að leggja í hann og byrja að "Livin´ large!"

EL GRJÓNÓ

Travis Pastrana

2008-01-10T21:42:00.000Z

Jenni #755 setti inn link, á þessa heimildamynd um Travis Pastrana, á Morgan.is. Þetta er alveg mögnuð mynd. Hún er ekki nema tæp 300 megabæt og 23 mínútur en hún skilur mikið eftir sig. Þið þurfið að vera með eitthvað Torrent download-forrit til þess að ná í hana og síðan VLC eða Quicktime til þess að horfa á hana. Ég mæli með VLC því Quicktime er bara eins og kínverskt mótorhjól. Það er heilmikill boðskapur í þessari mynd og hún náði verulega til mín hvað hvatningu varðar. Ég á eftir að horfa á hana oft. Og ég ætla nú ekki að venja mig á að taka efni frá öðrum síðum, mér bara fannst ég þurfa að setja þetta inn. Það hafa hvort sem er allir séð þetta á Morgan.is því það er fremsti motocross-vefurinn á Íslandi í dag. Skjalfest og þinglýst.
Smella HÉR fyrir torrent-skránna/myndina

EL GRJÓNÓ

ps. munið að lesa greinina hér fyrir neðan um spurningar.

Spurningar...

2008-01-10T20:31:00.000Z

Ég hef fengið nokkrar spurningar varðandi stöðu mála og fleira frá nokkrum félagsmönnum og ákvað ég að setja spurningarnar hér inn ásamt svörunum sem ég gaf þeim félagsmönnunum.

Hvar á heimasíðunni get ég séð lög félagsins og fundargerðir (síðasta aukaaðalfundar sérstaklega)? "Ég veit að þetta er kannski orðinn þreytt tugga en staðreyndin er sú að þetta er allt í vinnslu. Ég sé um mestu vinnuna í kringum þetta, því þetta er nú mitt hugarfóstur sem varð að veruleika, og það gefst ekki alltaf tími þegar maður er í fullu háskólanámi og á kafi í vinnunni til þess að hafa í sig og á. Fundargerðirnar eru á leiðinni á tölvutækt form í þessum töluðu orðum. Og þegar þær eru komnar inn, þá fer ég í að finna þeim stað á síðunni. Það sama á við um lögin, sem loksins eru komin í sitt lokaform."

Var gerð fjárhagsáætlun fyrir næsta ár? Hvað á að gera við félagsgjöldin? "Ekki var sett fram fjárhagsáætlun því þetta var aukaaðalfundur. Á aðalfundinum sem haldinn verður í apríl, lögum skv, verða þessi mál öll komin á hreint. Þá verðum við einnig með skýra félagaskrá eftir félagsgjöldin og vonandi komnir eitthvað lengra með svæðisleitina sem einnig hefur þurft að sitja á hakanum. En varðandi svæðið, þá hef ég heyrt raddir um að við eigum að eyða minna púðri í peysur og fundi og meira í svæðisleitina, og vill ég taka fram að ég geri það ekki vegna þess að það er svo gaman. Það verður eitthvað að vera á bak við það að fá svæði. Nokkrir strákar labba ekki inn til landeiganda og fá svæði. Hins vegar félag sem er með sýnilega félagsmenn og starfsemi er mun líklegra til þess að eiga möguleika á svoleiðis. Þessu verður bara að sýna þolinmæði. Og trúðu mér, ég er fyrsti maðurinn sem vill sjá svæði. Það er ástæðan fyrir stofnun félagsins. Og varðandi félagsgjöldin. Þá ætlum við að innheimta 5.000 krónur af þeim sem eru fæddir 1991 og eldri. Hinir yngri verða ekki rukkaðir um félagsgjöld. Hugsunin var að kaupa tímatökubúnað fyrir gjöldin. Æfingabúnað sem við gætum notað við æfingar og einnig í traktorstorfærunni. En félagið er komið með loforð frá styrktaraðila um að gefa þann búnað. Þannig að félagsgjöldin eru fyrst og fremst núna til þess að skilja kjarnann frá hisminu eins og þar er ritað. Þá sjáum við skýrt hverjir ætla að vera í þessu félagi. Peninginn þarf síðan að nýta ef við fáum svæði og annars ætlum við okkur að nýta hann í árshátið eða ferð eitthvert. Það verður tekið til umræðu á aðalfundinum, víst er þó að allir munu njóta góðs af því. Við erum ALLS EKKI að þessu til þess að nýta pening í okkur nokkra félagsmenn. Einnig er hugmynd uppi um að borga fyrir t.d. www.hreppakappar.is og svæði undir betri síðu. Sem við hönnum eins og við viljum hafa hana. Og einnig er mjög ofarlega að reyna að gera eitthvað fyrir ungu meðlimina í þessu félagi."

Nú eru í stjórn eingöngu vélhjólamenn. Væri skynsamlegt að hafa í stjórn menn (konur eru menn) sem hafa áhuga á t.d. dráttavélatorfæru, kvartmílu, góðakstri, fornbílaakstri, jeppamenn o.s.frv. þannig að félagið hefði tök á að uppfylla áhugasvið allra aksturskappa? Eða er þetta eingöngu vélhjólafélag? "Þú þyrftir að vita af nýju stjórninni sem var samþykkt. Ég er ennþá formaður, Ágúst enn ritari og Guðmundur er enn gjaldkeri. Egill er hættur í stjórn. Næsta mál með hann er að nýta hann á fullu í keppnum því hann er mjög hæfileikaríkur hjólari. Nýjir stjórnarMENN eru Jón Þór Tómasson sem er líka varaformaður og meðstjórnandi og Berglind Valdimarsdóttir. Hún er ung stúlka úr Garðabænum sem hefur hjólað með okkur og stefnir á að keppa fyrir okkar hönd. Jón Þór er líka vélsleða- og jeppaáhugamaður og eigandi. Guðmundur á jeppa og er mikið inn í götuhjólunum líkt og ég. Fyrsta hugmyndin að þessu öllu saman var að fá svæði fyrir motocross-hjólin í Hrunamannahreppi. En þar sem ég vissi að einhver frekari starfsemi þyrfti að vera að baki svoleiðis verkefni ákvað ég að stofna félagið og fara alla leið með því að gera það að fullgildu íþróttafélagi. Og hjólin hafa því verið í forgangi. En við héldum traktorstorfæruna í fyrra og á fundinum var ræddur áhugi fyrir því að gera það aftur og var mjög vel tekið í það. Og það er ástæða fyrir því að þetta er AKSTURSÍÞRÓTTAFÉLAG Hreppakappa. Svo allt væri innifalið. Enda voru jeppar, motocross-hjól, sportbílar, fjórhjól ,götuhjól og traktorar á stofnfundinum. En þar sem þetta fór af stað vegna motocross-ins í upphafi þá hefur áherslan verið þar. Þar er heilmikil uppbygging fyrir höndum og bara svo og svo margt sem hægt er að gera með þennan mannskap. Mundu, þetta er allt sjáfboðastarf sem gæti skilað Hreppnum og félagsmönnum miklu seinna meir. Og ég hef líka sagt oftar en einu sinni hér á síðunni að félagsmenn verði að taka þátt í starfinu, koma með hugmyndir og fleira til þess að gera fleira en það gerist bara ekki neitt. Ég get ekki verið að halda í hendina á 60 félagsmönnum og segja þeim hvað við erum að gera, hvers vegna og spyrja hvern og einn hvað hann vilji gera. Menn verða að koma fram með hugmyndir hér á netinu. Ef menn ráða ekki við það eru þeir ekki líklegir til mikilla dáða. Því miður. Þeir sem hafa tekið þátt eru menn með motocross-hjól milli fóta sér. Og fólk mætti ekki á fundinn og er svo hissa að vita ekkert hvað sé í gangi hjá félaginu. Það er svona svipað og nenna ekki að opna augun en kvarta undan því að sjá ekki neitt. Og öllum er heimilt að gera hluti í nafni félagsins. Og ef þeir eru ekki vissir um hvernig eigi að standa að því en hafa góða hugmynd, er algjört lágmark að koma henni til stjórnarinnar."

EL GRJÓNÓ

Félagsgjöld, ferðin góða og yngri félagsmenn...

2008-01-07T22:16:00.000Z

Supercross...

2008-01-06T16:34:00.000Z

Supercross tímabilið í USA hófst í gærkvöldi í Anaheim. Fyrir þá sem ekki þekkja, þá er það "innan-húss" motocross í brautum sem eru á litlu svæði með mörgum erfiðum beygjum, pöllum og fínum whoops-a-köflum. Meðal stærstu nafnanna þar má telja James Stewart(númer 7), sem vann í fyrra og má taka það fram að hann er fæddur í lok árs 1985, Chad Reed (númer 22) og Kevin Windham (númer 14). Á myndinni uppi má einmitt sjá James Stewart taka holeshot-ið. Þar má líka sjá Ricky Carmichael (númer 4) en hann er einmitt sá besti sem hefur verið í supercross-inu en hann er hættur núna. Svo sá ég að Sýn ætlar að sýna frá keppnunum líkt og fyrri ár. Þannig að keppnin sem var í gær verður sýnd næsta föstudag á Sýn klukkan 21:10. Þannig að það er stranglega bannað að segja frá hvernig keppnin fór. Nítró og Púkinn hafa verið að sýna keppnirnar á Sýn á risatjaldi á föstudagskvöldum og vona ég að þær haldi því áfram. Þá verður gott að koma beint af box-æfingu og kíkja á svona eins og eina keppni. Kominn tími til að fótboltinn fái aðeins að víkja fyrir alvöru íþrótt.

EL GRJÓNÓ

KTM Dance...

2008-01-05T13:08:00.000Z

Svo var gert grín að "motocross-kennslu-dansinum" mínum sem gerði það gott á Útlaganum síðustu verslunarmannahelgi. Segðu mér Jónsi, er þetta í manual-num eða fékkstu einkakennslu hjá Herr Katoom og Adda "make-up"?

EL GRJÓNÓ

Sidecar motocross eða side-car-cross...

2008-01-05T12:57:00.000Z

Já þetta er afbrigði sem mér hefur alltaf fundist mjög sérstakt. Spurning hvort við eigum ekki bara að föndra hliðarvagna og halda fyrstu mótaröðina í hliðarvagn-motocross-i. En mikið andskoti hlýtur að vera erfitt að hanga á þessu sem þeir kalla hliðarvagn.
Þessi grein er vinsælust í austur-evrópu en þekkist samt líka í USA og Ástralíu. Keppt er á 500 cc KX og CR og einnig með vélar frá fyrirtækjum sem heita MTH, sem framleiða 630cc 2-stroke, og Zabel sem framleiða 700cc 2-STROKE!! Þessi tvö hafa haft yfirhöndina í þessum keppnum. Þeir halda líka side-car-cross des nations og heitir sá besti/þekktasti Daniel Willemsen og hefur hann orðið heimsmeistari 6 sinnum skv heimildunum sem ég fann. Sem er samt skrýtið að bara einn sé talinn upp því að gaurinn í hliðarvagninum gerir nú bara heilan helling.

EL GRJÓNÓ

Fundur og körfubolti...

2007-12-30T21:18:00.000Z

Í gær var haldinn aukaaðalfundur félagsins. Þar voru lagabreytingarnar samþykktar og stjórninni breytt. Sem þýðir að núverandi stjórn samanstendur af sömu mönnum í sömu stöðum að því undanskildu að Egill er ekki lengur í stjórn en inn komu Jón Þór og Berglind. Jón Þór er einnig meðstjórnandi og varaformaður. Þakka ég Agli fyrir sín störf og býð ég nýju stjórnarmennina velkomna.
Mér fannst mæting ekki vera alveg í samræmi við það sem ég var búinn að heyra frá mönnum. En svo heyrði ég í dag að í samanburði við annað ónefnt félag var hlutfallið mjög gott.
Myndbönd félagsins runnu í gegn fyrir fundinn og svo tóku við umræður. Nokkur atriði voru tekin fyrir í liðnum Önnur mál. Hér fyrir neðan ætla ég að fjalla stuttlega um þau mál.
Félagsgjöld. Félagsgjöld verða sett á í félaginu núna eftir áramót. Þau hljóða upp á 5.000 krónur á hvern meðlim á og yfir 17 ára aldri (þeir sem verða 17 ára árið 2008 greiða félagsgjöld). Öðruvísi verður staðið að félagsgjöldum fyrir þá sem eru yngri en 17 ára. Og verður sá háttur hafður á að þeir sem ekki verða búnir að greiða 5.000 krónur í félagsgjöld þann 15. febrúar 2008 inn á reikning Hreppakappa verða teknir af félagaskrá. Nánari upplýsingar um bankareikninginn koma seinna.
Einnig var rætt um keppnisárið 2008. Ætlunin er að koma með fullgilt keppnislið í Íslandsmótið í MX og Enduro. Þeir sem verða í liði skuldbinda sig til þess að mæta í öll mót og sinna sportinu af metnaði. Hins vegar geta þeir sem vilja prófa, tekið þátt í bikarmótum og kannski Langasandskeppninni.
Rætt var um ábyrgð félags á hegðan félagsmanna og beindi stjórninn þeim tilmæla til félagsmanna að þeir endurspegli félagið og fari því að gát en jafnframt sé félagið ekki forráðamaður félagsmanna.
Estró-Testó-2008 var líka rædd. Tekin voru niður nöfn þeirra sem hafa hug á að fara. Til þess að auðvelda stjórninni starfið við að skipuleggja ferðina, þ.e. finna gistingu, velja daga og finna út aðferð við að flytja fólk, hjól og fatnað milli staða ætlum við að setja skráningarfrest og skráningargjald. Þannig að þeir sem ætla sér að koma með, greiða 5.000 króna skráningargjald á sama tíma og þeir greiða félagsgjöldin. Þannig að 15. febrúar verður komið á hreint hverjir verða áfram í félaginu og hverjir ætla í ferðina. Þeir sem ákveða að koma með í ferðina eftir 15. febrúar verða að redda sér að öllu leyti sjálfir. 5.000 krónurnar sem greiddar verða inn á ferðina fara í kostnað við að leigja bíl undir mannskapinn. Því upp kom sú hugmynd að leigja Econoline þar sem 16 manns eru þegar skráðir í ferðina. Lagt verður af stað í ferðina mánudaginn 9. júní og komið verður heim 16., 17. eða 18. júní. Ekki er fullbúið að skipuleggja ferðina en nú er um að gera að menn skrái sig inn á spjallið svo þeir geti tekið þátt í undirbúningnum.

Svo í dag mættu Hreppakappar með lið í firmakeppni UMFH í körfubolta og stóð Team Hreppakappar uppi sem sigurvegarar. Keppti liðið fyrir hönd Gunnbjarnarholts og hlutu þeir að verðlaunum einn hring á Golfvellinu í Ásatúni. Erfitt reyndist hins vegar að manna lið Hreppakappa og var því einn maður í liðinu sem er ekki skráður Hreppakappi. Það var hann Árni Þór Hilmarsson frá Syðra-Langholti og þökkum við honum kærlega fyrir samstarfið.

Fleira var það ekki að sinni en ég vill benda félagsmönnum á eitt gott orðatiltæki sem mun auðvelda stjórninni sitt starf við skipulag félagsstarfs:

"Don´t talk the talk if you can´t walk the walk!"

EL GRJÓNÓ

Jólahjólið í ár.

2007-12-19T08:16:00.000Z

Ducati Monster S2R 1000. Dekurhjól. 2.850km. Skr. 06/2006. Jólahjólaverð: 990þ („rétt verð“ 1.250þ) S: 690 1025 Sturla. Kaupandi verður að vera smámunasamur og lofa að fara vel með hjólið"

Að skrá sig inn á spjallið...

2007-12-17T22:12:00.000Z

Ég flýtti mér aðeins of mikið þegar ég sendi öllum póst varðandi spjallið. Ég var að komast að því að notandi verður að vera með Google-account til þess að nota það. Þannig að sleppið því bara að smella á linkinn sem fylgdi póstinum sem ég sendi fyrst frá Groups.
Það sem þið þurfið að gera er að fara á http://gmail.com og fá ykkur aðgang þar. "Stofna nýjan aðgang" Þar fylgið þið einföldum skrefum og gangið frá skráningunni ykkar. Ekki hafa áhyggjur, þið eruð ekkert að skuldbinda ykkur og þetta kostar ekkert. Þetta er ekki heldur með Herpes virkni. Þið getið alveg losnað undan þessu. Þegar þið eruð búin að gera þetta, þá farið þið inn á http://groups.google.com/group/akstursirottafelag-hreppakappa og þar sjáið þið það sem er á myndinni fyrir neðan. Smellið á það sem ég merkti á myndinni. Þá kemur upp önnur síða þar sem stendur: "Sendu línu ef þú vilt aðgang." Þar skrifið þið nafnið ykkar og biðjið um aðgang. Ég samþykki það síðan og þá eruð þið orðnir fullgildir notendur að spjallinu. Síðan getið þið sett inn upplýsingar um ykkur og mynd. Og þá getið þið tjáð ykkur um allt saman og tekið þátt í umræðunni sem fram fer.

Og síðan er fljótlegast að komast inn á spjallið í framtíðinni með því að smella á "Spjallið" niðri til hægri undir "Tengt félaginu". Sendið mér línu á hreppakappar@gmail.com ef það vefst eitthvað fyrir ykkur.

Smá Top Gear spoiler...

2007-12-17T09:34:00.000Z

Ég sá þetta á netinu og held að þetta hafi örugglega ekki verið í seríunni sem sýnd var núna síðast á Íslandi. Þannig að ég er þá að sýna efni úr næstu seríu. Sleppið því bara að horfa ef þið viljið bíða eftir Skjá Einum. En alla veganna, þetta myndband sýnir bara að Þjóðverjar gjörsamlega eiga bílaþróun með húð og hári, eða lakki og innréttingu.

EL GRJÓNÓ

Stupid hurts...

2007-12-16T15:23:00.001Z

Ef þið eigið 850 bretti, mikið af plötum, vespu og ofboðslega mikið af frítíma þá er hérna svolítið sem þið getið gert.

Og svo má ekki gleyma fyrstu ferðinni.

Já, mér er bara orða vant.

EL GRJÓNÓ

Vinnan að baki metunum...

2007-12-16T14:42:00.000Z

Ég sá á Morgan.is að það eru tveir menn að reyna við lengdarmetið í stökki á motocross-hjóli. Sá sem kom á undan inn ætlaði að reyna við 350 fet minnir mig og nú er komin færsla um annan sem ætlar að reyna að toppa 400 fet. Og svona til þess að skjalfesta og þinglýsa alvörunni í því að þá eru 300 fet 91,44 metrar og 400 fet eru 121,92 metrar!! Hérna að ofan er hægt að sjá metið á vélsleða sem sett var í apríl 2006. Það er upp á 238 fet eða 72,54 metra. Og svo fyrir neðan er hægt að sjá sama mann bæta sitt eigið met í mars 2007 og þá nær hann 245 fetum eða 74,67 metrum. Og seinna metið er sett í veðri sem Ísland ætti að vera stolt af.

Reyndar veit ég ekki hvort hann sé búinn að reyna meira. Hann stefnir á 300 fetin. Ég þarf að leita að því.

EL GRJÓNÓ

ps. Setti hér inn hægra megin "Heyrst hefur..." um daginn. Þar set ég inn slúður og vitleysu sem ég heyri "utan úr bæ". Reyni að uppfæra það reglulega.

Metnaður og ástríða...

2007-12-16T14:14:00.001Z

Fékk þessa mögnuðu mynd frá Jónsa einn kaldann desembermorguninn. Hún segir allt sem segja þarf. Sleðinn og hjólin í bakgrunninum á meðan skrúfurnar rjúka í dekkin. Og hugarfarið í góðu standi á meðan. Þetta er alvöru metnaður og vildi ég að ég ég væri búinn með skólann svo ég gæti verið á fullu líka. En það kemur að því með nýju ári. Ég held að þessi mynd sé góð í að minna okkur á að gera það sem okkur finnst gaman og ekki láta neinn aftra okkur frá því að leika okkur. Við verðum að varðveita barnið í okkur og nú megum við gera það með 55+ hesta í klofinu. Ég er mjög ánægður með val mitt/hugans/líkamans á áhugamáli.

EL GRJÓNÓ

ps. minni á fundinn 29. des.

Spurning um að færa traktorskeppnina okkar upp á næsta level...

2007-12-11T19:16:00.000Z

Eða er þetta kannski aðeins ofar en bara á næsta level?

Speki að mínu skapi...

2007-12-06T10:00:00.001Z

"Biking, Bonking and Boozing"
"The three great pleasures of life"

Meira Ogri HÉR.

Ég verð bara að segja að ég verð að vera alveg sammála þessari speki og að mínu mati er þetta það sem fær heiminn til þess að snúast. Hins vegar vona ég að enginn blandi saman lið 1 og 3. Allt annað er leyfilegt. :)

EL GRJÓNÓ

Kæru Hreppakappar, aðrir Hrunamenn, nágrannar og velunnarar...

2007-12-05T22:16:00.000Z

Vegna lagabreytinga UMFÍ þurfum við að breyta lögum okkar örlítið og þá einnig stjórninni. Þessar breytingar þarf að samþykkja á fundi til þess að geta sent lögin til UMFÍ. Og því fannst okkur í stjórninni tilvalið að hittast síðustu helgi ársins og halda aukaaðalfund á Útlaganum. En við ætlum ekki bara að hafa fund. Við ætlum að byrja á því að horfa á öll myndböndin sem hafa orðið til við starfsemi félagsins. Svona lítur dagskráin þá út laugardaginn 29. desember 2007:

Klukkan 14:00 Götuspyrnan – myndband frá fyrsta móti Hreppakappa. En þar tók Erlingur Þór þátt í götuspyrnunni á Akureyri.

Klukkan 14:05 Moto-verzló – myndband frá fyrsta mótinu sem Hreppakappar héldu. Og var það motocross í Hverabakkagryfjum með maður-á-mann keppnisfyrirkomulagi.

Klukkan 14:30 Traktorstorfæran 2007.

Klukkan 15:00 Testó 2007 – heimildamyndin um hringferðina sem stjórnin fór.

Klukkan 16:00 Fundur

Dagskrá fundar:

1. Setning
2. Kjör fundarstjóra og fundarritara.
3. Tillögur til lagabreytinga og aðrar tillögur lagðar fram.
4. Umræður um tillögur, sem fram hafa komið.
5. Kosning laga.
6. Kosning formanns.
7. Kosning stjórnarmanna.
8. Önnur mál.
9. Fundargerð lesin upp til samþykktar.
10. Fundarslit.

Erfitt er að áætla fundarslit. Umræður gætu skapast og einnig gæti allt runnið ljúft í gegn og tekið því bara stutta stund. Allir eru velkomnir þó að félagsmenn einir hafi kosningarétt. Stjórnin hvetur alla til þess að koma og sjá hvað við höfum verið að gera og sérstaklega þá sem hafa eitthvað fram að færa eða vilja skrá sig í félagið.

Virðingarfyllst
f.h. AHK
Sigurjón Snær Jónsson
Formaður

Öryggisherferð...

2007-12-05T11:12:00.000Z

Honda fóru af stað með öryggisherferð sem þeir kalla Stupid Hurts. Eða einfaldlega, heimska er sársaukafull. Og held ég að það verði aldrei ítrekað of mikið að öryggisbúnaður sé í lagi í akstursíþróttum. Persónulega hef ég heyrt of mikið af slysasögum þar sem menn ætluðu "rétt að skreppa" og fara því ekki í gallann og þá fer allt til fjandans. Ég hef reynt eftir megni að fara eftir því sjálfur. Pabbi áminnti mig nú þegar ég kom gallalaus inn á tún í sumar á hjólinu í heyskapinn.
Dirt Rider völdu einmitt kragann góða, sem ég sagði frá um daginn, vöru ársins í motocross-inu. Og er sá kragi einmitt gott mótsvar við hinum gífurlega hraða sem nú er orðinn í þessu sporti. Raddirnar úti um að hætta með 450cc hjól og fara niður 350cc verða sífellt háværari og spurning hvort að AMA og framleiðendur fari að íhuga þær breytingar alvarlega.
Það kemur okkur kannski ekki mikið við en ég vill alla veganna biðja Hreppakappa um að passa öryggisbúnaðinn og það er ekkert að því að áminna hjólafélagana um að gera slíkt hið sama.

EL GRJÓNÓ

Nick Sanders...

2007-12-04T12:14:00.000Z

Í Leifsstöð, á meðan ég beið eftir fluginu til Kaupmannahafnar, hugsaði ég um að ég þyrfti afþreyingu í vélinni. Þannig að leið mín lá í bókabúð og þar sem ég greip það sem ég kallaði klám. Svipurinn á ferðafélögum mínum var mjög sérstakur og gaf til kynna að þar hefði álit þeirra á mér alveg horfið. Svipurinn breyttist lítið þegar þeir sáu að "klámið" var 300asta Dirt Rider blaðið. Þar sem fagnað var 25 ára afmæli Dirt Rider. Og svo þegar ég var á Kastrup-velli á leiðinni heim ætlaði ég mér eitthvað svipað. En þá mundi ég eftir því að Danir versla ekki við Bandaríkjamenn nema þeir virkilega þurfi þess. Sem útskýrir líka afhverju ég fann ekkert motocross tengt. FOX-racing er bara eitthvað ofan á brauð hjá þeim. Sem þýðir að ég endaði með Bike í hönd. En það er breskt götuhjólablað. Það heillaði mig reyndar strax því þeir voru að fjalla um 10 ára afmæli magnaðasta racer-hjóls sem hefur snert plánetuna. Nei, það var ekki Hayabelja. Hayabrussa hvað? Ég er að tala um Yamaha YZF-R1. Sem hreinlega bjargaði Yamaha á sínum tíma og hefur ekki gert neitt annað síðan en að tróna á toppnum.

Þar lærði ég ýmislegt og fann einnig góða grein um mann að nafni Nick Sanders. Heimasíðan hans hér.

Þessi maður er núna á 7undu ferð sinni hringinn í kringum heiminn á mótorhjóli. En frægasta ferð hans er einmitt sú sem fjallað er um í þessu blaði. Þá fór hann hringinn á 19 dögum og þremur klukkustundum. Enginn hefur verið fljótari hringinn öðruvísi en á einhverju sem flýgur. Og hann fór ekki á ljótu ferðahjóli með töskur fullar af dóti. Hann fór á 2005 árgerðinni af óbreyttu R1 hjóli. Hann var ekki með GPS eða töskur. Bara farsíma og kreditkort. Svo var bara keyrt eins og mögulegt var. Hann fór með 4 ganga af dekkjum, tvo af keðjum og tannhjólum og eitt sett af bremsuklossum. Þegar hjólið var tekið í þjónustu voru 3 menn að vinna í því og dekkin fóru undan og á, hjólið var smurt og allt græjað á 45 mínútum. Hjólið bilaði ekkert. Hann valdi þetta hjól því hann vissi að það myndi ráða við verkefnið. Þegar hann var fastur í umferð á Indlandi í 48 gráðu hita var hjólið að ná 126 gráðum og hélt hann að það myndi klára mótorinn en svo fór ekki og hann gat haldið áfram. Það eina sem hann gat sett út á hjólið var það að lýsingin frá því hefði mátt vera betri.

Metið hans er þó ekki lengur "viðurkennt" af Guinnes vegna þess hve hættulegt það er. Að keyra um svefnvana á 1000cc racer-hjóli með 150 km MEÐALHRAÐA er víst ekki það skynsamlegasta sem menn gera.

EL GRJÓNÓ

Peysur, fundur og lítið fleira...

2007-11-29T19:11:00.000Z

Fyrir ykkur sem voruð búnir að panta peysurnar, þá eru þær hjá mér og þið þurfið bara að vera í sambandi við mig þegar þið komið í bæinn. En það gengur reyndar ekki núna um helgina því ég er að skreppa til Danmerkur.
Og mér sýnist allt stefna í fund seinustu helgi ársins, þarf bara að ákveða hvort ég hafi það á sunnudegi eða laugardegi. Ef einhver hefur ákveðnar skoðanir á því má hann/hún tjá sig í athugasemdum. Dagskrá fundarins ætti að koma inn fljótlega eftir að ég kem heim aftur.

EL GRJÓNÓ

CTi spelkur...

2007-11-22T21:59:00.000Z

Og enn af öryggisbúnaði. Þetta er CTi spelkan frá Össur hf. Þetta er samkvæmt þeim sem hafa reynt, besta hnéspelkan sem fæst í dag. Reyndar er hún líka dýr, en þegar á brattann sækir, er hún hverrar krónu virði. Hér gildir það sama og með kragann, þú tryggir ekki eftir á. Ástæðan fyrir háu verði á þessu dóti er að þetta er búið til úr fisléttu en níðsterku koltrefjaefni svo að það fari sem minnst fyrir þessu þegar maður er að hjóla en það ræður við lætin þegar þau koma. MotorMax selur staðlaðar spelkur en hægt er að fá þær sérsmíðaðar í Össur.
Smellið HÉR til þess að sjá CTi síðuna hjá Össur.
Og smellið HÉR til þess að sjá CTi síðu MótorMax.

EL GRJÓNÓ

Leatt-Brace...

2007-11-21T21:55:00.001Z

Já strákar, öryggið skiptir miklu máli í þessari íþrótt og þetta er það nýjasta í öryggisbúnaði fyrir motocross-ið. Þessi kragi virkar mjög vígalegur á mann en samkvæmt prófunum gerir hann sitt gagn. Það hafa nokkrir dottið úr atvinnumennsku síðustu ár vegna lömunar og talið er að þessi kragi hefði getað bjargað því. En það er samt ekki beint hægt að líkja akstrinum á þeim mönnum við það sem við erum að gera. Hraðinn þarna úti er orðinn ótrúlegur. Og stökkin sem fylgja því eru súrrealísk m.v. að þau eiga sér stað í kappakstri en ekki freestyle eða free-ride. Alla veganna, þessi kragi kostar sitt en skilar því fyllilega á ögurstundu. Munið, þú tryggir ekki eftir á. Nítró á von á fyrstu sendingunni og verður fróðlegt að sjá hvað gripurinn mun kosta þar. HÉR getiði skoðað heimasíðu framleiðandans.

EL GRJÓNÓ

Loftpúðar fyrir mótorhjól...

2007-11-19T21:31:00.000Z

Það getur verið magnað að sjá hvað mönnum dettur í hug og hér eru menn að reyna að yfirfæra loftpúðatæknina yfir í mótorhjólin. Ég verð nú að viðurkenna að ég hefði viljað hafa þennan á neðra myndbandinu þegar ég datt á CBR-inu mínu 2005.

EL GRJÓNÓ

2 hjól vs 4 hjól...

2007-11-18T11:44:00.000Z

Ég heyrði um daginn einhvern segja að hann langaði meira í fjórhjól heldur en motocross-hjól (krossara). Og hluti af ástæðunni var sú að hann vildi ekki slasa sig. Og einhverjir virðast velta því fyrir sér hvort skuli frekar fá sér. Og ef einhverjir Hreppakappar skyldu vera að velta þessu fyrir sér skal ég koma með kosti og galla í bland við mitt álit.

FJÓRHJÓL

Svona hjól er t.d. með mjög svipaðan mótor og RMZ450 krossarinn. Reyndar var þetta hjól komið með innspýtingu á undan krossaranum, en hann er einmitt að fá hana 2008. Fyrsti krossarinn með innspýtingu. Og er Quadracer-inn einmitt dæmi um fjórhjól sem kæmi í stað krossara vegna svipaðra eiginleika. Vafalaust er þetta mjög skemmtilegt hjól. Það er 165 kíló með 5 gírum og diskabremsum. En þá kemur notagildið á móti. Krossarinn hefur ekki endalausa möguleika á svæðum. Svona fjórhjól hefur minni möguleika því að fjórhjól eru bönnuð í einhverjum af motocross-brautum landsins ef ekki öllum. Og þegar við komum okkur upp alvöru braut verður okkar fyrsta verk að loka á fjórhjól í henni. Þau grafa brautina rosalega og persónulega vildi ég ekki fá fjórhjól á mig þar sem ég væri á krossara. Svona hjól er líka 300.000 - 500.000 krónum dýrara en krossari. Viðhald á mótor er örugglega það sama, þetta er með 3 dempara eins og krossari sem hafa örugglega sama viðhald og demparar á krossara. Þarna eru reyndar 3 bremsudiskar og dælur og svo 4 dekk. Þó að svona hjól slíti örugglega ekki dekkjunum jafn mikið og krossarinn þá eru það alltaf 2 dekk í hvert skipti sem þarf að skipta að aftan.
Þannig að eins og staðan er núna myndi ég velja krossarann fram yfir svona fjórhjól þegar kemur að alvöru leiktæki með hráa orku og ekkert aukadót. Það eina sem kæmi til greina í fjórhjóli, væri götuskráður vinnuvargur sem ég gæti notað við veiðar eða í vinnu. Og þó að möguleiki væri að fá svona Quadreacer götuskráðan, þá myndi SuperMOTO hafa vinningin þar. Ég er ekki að segja mönnum að fá sér ekki fjórhjól, spáið alla veganna í notagildinu og ekki forðast krossarann af því að einhver segir að það sé hættulegra. Því það er einfaldlega ekki satt.

EL GRJÓNÓ

Staðalbúnaður...

2007-11-18T11:32:00.000Z

Vatnskassahlífar. Vatnskassar eru dýrir en það eru þessar hlífar ekki. Notkun þessara hlífa hefur aukist mjög vegna þess að þær hafa sannað gildi sitt. Og hef ég mjög öruggar heimildir fyrir því að Íslandsmeistarinn í MX2 keyri ekki hjólið sitt án svona hlífa. Þær verða alla veganna komnar í nýju Honduna áður en það verður tilkeyrt. Þessar sem þið sjáið þarna eru frá Works Connection og tók ég myndina af síðunni þeirra. Þeir smíða þetta í öll hjól nema einhverjar einnota kínverskar druslur. En það eru að sjálfsögðu ekki hjól heldur rusl. Nítró er með umboðið fyrir Works Connection þannig að ef þeir eiga það ekki til á lager í hjólið þitt geta þeir örugglega reddað því. Annars er E-bay líka möguleiki ef þið eruð ekki internet hræddir.

EL GRJÓNÓ

Verzló-MOTO 2007...

2007-11-17T10:07:00.000Z

Online Videos by Veoh.com

Og líka HÉR.

Núna er síðasta myndbandið komið inn. Loksins. Reyndar er smá klúður með tónlistina í lokin, þetta verk hefur bara ekki verið tekið út með sældinni en það má alveg horfa fram hjá því. Þannig að njótið bara vel. Það er líka komið inn í myndbandalistann til hliðar.

EL GRJÓNÓ

Testósterón 2007...

2007-11-15T23:34:00.000Z

Online Videos by Veoh.com

Smellið samt frekar HÉR til þess að horfa.

Nú er heimildamyndin góða komin inn aftur. Einhver tók hana út vegna höfundarréttarlaga. Sem ég skil ekki. Hún var tekin upp á mína myndavél af mér og klippt til á minni tölvu af mér. Efast um að forsvarsmenn Metallica, Rage against the machine eða Moby hafi verið að horfa á þetta myndband frá Íslandi. Þannig að það er einhver sorglegur einmanna maður sem hatar allt og alla sem hefur verið að skemma fyrir okkur. EN nú er hún komin aftur og einnig í myndbandalistann. Njótið vel...

EL GRJÓNÓ

Traktorstorfæra 2007...

2007-11-14T17:51:00.000Z

Online Videos by Veoh.com
Mæli samt eiginlega frekar með því að smella HÉR en að horfa á það á þessari síðu.
Þið þurfið að trúa til þess að sjá. Og hér getið þið séð myndbandið úr heimsmeistaramótinu sem haldið var á Flúðum um verslunarmannahelgina 2007. Ég ætla ekki að tjá mig mikið meira um mótið heldur bara leyfa myndbandinu að segja það allt. Nema kannski að það er ekki oft sem maður þarf "snorkel" í traktor. :)

Ég setti hér inn til hliðar lista yfir myndböndin sem félagið hefur gefið af sér. Þar má sjá götuspyrnumyndbandið, Testó 2007 og svo er myndbandið úr head2head mótinu um verslunarmannahelgina komið í vinnslu. Ég vona að það komist inn á næstu dögum. Og þegar þetta er skoðað sér maður að þetta verður að teljast ágætt miðað við að þetta er fyrsta starfsár félagsins og mér finnst við ekki hafa gert neitt.

Einnig henti ég inn skoðannakönnun sem ég vill að menn svari. Þannig er mál með vexti að við þurfum að halda aukaaðalfund til þess að samþykkja lagabreytingarnar og kjósa Jón Þór inn í stjórnina. Þannig að mér datt í hug, hvort það væri ekki sniðugt að hittast á Útlaganum, horfa á öll myndböndin okkar á skjánum og halda síðan fundinn. Og þá er málið, hvenær eru allir heima við? Þannig að ég vill vita hvort menn séu opnir fyrir því að hittast síðustu helgina á árinu eða hvort einhverjum finnist það guðlast og dónaskapur. Þeim sem finnst það guðlast og dónaskapur velja bara "Nei" í könnuninni og mega gjarnar tjá sig í athugasemdum með tillögu að öðrum tíma.

EL GRJÓNÓ

Skills 2 æfingamyndbandið...

2007-11-13T18:09:00.000Z

Þessi DVD-diskur er á leiðinni til landsins með mínu nafni á honum. Ef maður stefnir á að verða sér alla veganna ekki til skammar þá verður maður líka að vinna heimavinnuna. Og vona ég að þessi diskur komi til með koma að góðu gagni. "HÉR" má sjá trailerinn og umfjöllun. Þarna er bæði fjallað um viðhald og einnig flest allt sem kemur að því að hjóla. Og svo þegar ég er kominn með hann, mun ég segja hvað mér finnst um hann. Og þeir sem hugsa núna að þeir geti bara fengið hann lánaðan geta strax gleymt því af því að hann fer ekki úr tækinu þessi.

EL GRJÓNÓ

Opinn fundur...

2007-11-12T21:10:00.000Z

Fékk þetta fundarboð frá Umhverfisnefnd MSÍ;

------------------------------------------------------------------------------
Ágæta félagsfólk og annað áhugafólk um vélhjólamennsku

Mánudaginn 19. nóvember stendur umhverfisnefnd Mótorhjóla- og snjósleðasambands Íslands (U-MSÍ) fyrir opnum félagsfundi í húsakynnum ÍSÍ í Laugardalnum (Engjavegi 6), Reykjavík. Fundurinn hefst kl. 19:30 og stendur til 21:30.

Markmið fundarins er að upplýsa félagsfólk, sem og aðra þá sem áhuga hafa á vélhjólamennsku, um það starf sem unnið er í nefndinni og hvers megi vænta á næstu misserum í hagsmunabaráttu okkar fyrir bættum réttindum. Við erum alltaf að leita að góðu fólki með okkur í nefndina, og gefst á fundinum kjörið tækifæri til að kynnast þeim verkefnum sem nefndin er að vinna að.

Í nefndinni sitja Jakob Þór Guðbjartsson, formaður, Leópold Sveinsson, Gunnar Bjarnason, Einar Sverrisson, Ólafur H. Guðgeirsson og kannski þú.

Dagskrá fundarins er sem hér segir:

19:30 -19:45 Setning fundar, kynning á nefndinni og fyrir hvað við stöndum.

19:45 - 20:15 Hvað er framundan - verkefnin okkar.
Á þeim þremur árum sem nefndin hefur starfað hefur mikið vatn runnið til sjávar og nefndarmenn orðnir reynslunni ríkari. Á þessum tíma hafa komið upp margar góðar hugmyndir að verkefnum, sem einhverja hluta vegna hafa ekki náð flugi. Það er ætlun okkar á félagsfundinum að kynna þessi verkefni og þannig leggja línurnar fyrir starf næsta árs.

20:15 - 20:30 Hugvekja fá Siv Friðleifs
Siv Friðleifsdóttir, alþingiskona, hefur í gegnum árin látið hagsmunabaráttu vélhjólafólks sig varða, enda mótorhjólakona sjálf. Reynsla hennar af stjórnmálum, nefndarstörfum, ráðherramennsku og stjórnsýslu gerir henni kleift að sjá hagsmunabaráttu vélhjólafólks með öðru ljósi en hinn almenni vélhjólanotandi. Siv mun segja okkur frá reynslu sinni.

Hlé

20:45 - 21:05 Kynning á skýrslu vinnuhópu Umhverfisstofnunar, aðdragandi og væntingar.
Í eitt og hálft ár hefur umhverfisnefndin starfað í vinnuhópi Umhverfisstofnunar, ásamt Sambandi Íslenskra sveitarfélaga, Landvernd og Vegagerðinni. Vinnuhópnum er ætlað að koma með hugmyndir að framtíðarskipulagi á aðstöðu og lagaumhverfi sem uppfyllir þarfir þeirra sem aka um á vélhjólum, með það að markmiði að sporna gegn utanvegaakstri. Starfi vinnuhópsins fer senn að ljúka og verður skýrslan brátt send til ráðherra. Ætlunin er að kynna efni skýrslunnar, stöðumati og þeim hugmyndum sem U-MSÍ leggur til.

21:05 - 21:30 Skipulagsmál á Mosfellsheiði og jaðarsvæðum.
Sífellt er þrengt að vélhjólafólki í kringum höfuðstaðinn, sem og annarsstaðar, bæði er verið að loka leiðum eða taka þær undir aðra notkun, t.d. sem reiðleiðir. Rödd vélhjólafólks er ekki nógu sterk þegar kemur að skipulagsmálum og er þessum skipulagshugmyndum ætlað að vekja vélhjólafólk til umhugsunar um mikilvægi þess að skipuleggja akstursleiðir. Birt verða drög að skipulagi fyrir Mosfellsheiðina og jaðarsvæði hennar. Skipulagið afmarkast af Hafnarfirði, Kleifarvatn, Bláfjöll, norðan við Þorlákshöfn, Hveragerði, Selfoss, Þingvellir, Esjan og Reykjavík.

21:30 Fundi slitið. Umræður.

Með von um góða mætingu,
U-MSÍ
------------------------------------------------------------------------------

Þetta er opinn fundur þannig að það eru allir velkomnir. Þetta er reyndar á sama tíma og BOX-æfingin hjá mér en ég er að hugsa um að skella mér á hann og fórna æfingunni. Þó það muni taka mjög á mig andlega. Það gæti verið mjög gagnlegt að sjá hvað fer fram á þessum fundi. Ef einhver annar ætlar að fara á hann hringja í mig og þá "Köppum" við svæðið. Annars mun ég bara "Kappa" það.

EL GRJÓNÓ

Boðorðin 10, traktorstorfæran og Travis Pastrana...

2007-11-12T16:47:00.000Z

ÉG sá um daginn í fréttum að á Ítalíu fundust boðorðin 10 hjá mafíunni. Þannig að ég skellti þeim í gríni hér inn og svo fyrir neðan aðlagaði ég þau að AHK. Kannski maður leggi til á næsta aðalfundi að þessu verði bætt inn í lagasafn AHK. Aldrei að vita.

Svona voru þau upprunalega hjá mafíunni.
1. Enginn má kynna sig beint til vina okkar. Það verður alltaf að gerast í gegnum þriðja aðila.
2. Aldrei horfa á eiginkonur vina.
3. Aldrei láta sjá þig með lögreglunni.
4. Ekki fara á bari eða klúbba.
5. Að vera alltaf reiðubúinn fyrir Cosa Nostra er skylda – jafnvel þó konan þín sé að fæða barn ykkar.
6. Algjör virðing verður að vera fyrir fundum.
7. Eiginkonum verður að sýna virðingu.
8. Þegar þú ert spurður um upplýsingar, verður svarið að vera sannleikurinn.
9. Ekki má ráðstafa fé ef það er í eigu annarra eða annarra fölskyldna.
10. Fólk sem getur ekki orðið hluti af Cosa Nostra: hver sá sem á náin ættingja í lögreglunni, hver sá sem er með svikara í fjölskyldunni, hver sá sem hagar sér illa og fer ekki eftir siðarreglum.

Svona eru þau fyrir Hreppakappana.
1. Enginn má kynna sig beint til vina okkar. Það verður alltaf að gerast í gegnum þriðja aðila.
2. Aldrei setjast á hjól/sleða vina.
3. Aldrei láta sjá þig með lögreglunni.
4. Ekki fara á bari eða klúbba nema vera vel til hafður og svalur ef þú ætlar að segja einhverjum að þú sért Hreppakappi.
5. Að vera alltaf reiðubúinn fyrir Hreppakappa og hjólamennskur. Jafnvel þó konan þín sé að fæða barn ykkar.
6. Algjör virðing verður að vera fyrir fundum/leiktækjum og hjólamennskum.
7. Leiktækjum verður að sýna virðingu.
8. Þegar þú ert spurður um upplýsingar, verður svarið að vera sannleikurinn.
9. Ekki má ráðstafa hjóli/sleða ef það er í eigu annarra eða annarra fölskyldna.
10. Fólk sem getur ekki orðið hluti af Hreppaköppum: hver sá sem á náin ættingja í Team Morgan, MX Árborg eða Vinstri-grænum, hver sá sem er með svikara í fjölskyldunni, hver sá sem gengur ekki frá verkfærunum og er alltaf í "goone-ride" þó hann sé ekki að reyna það.

SVO er ég búinn að gera nokkrar tilraunir til þess að klippa saman myndbandið úr traktorstorfærunni sem var núna um verslunarmannahelgina en hef verið að lenda í miklum tölvuvandræðum. Mynd af Bill Gates og "Error Report" glugganum verða á BOX-púðanum á næstu æfingum. En myndin mun koma hingað inn um leið og hún verður tilbúin.

OG að lokum vill ég benda mönnum á ruglaðasta mann veraldar. Hann heitir Travis Pastrana. Hann er fæddur 1983 og á sér engin takmörk þegar kemur að því að gera ruglaða hluti. Hann er margfaldur freestyle-meistari, motocross-meistari og hann varð Ameríkumeistari í ralli núna í ár. Hann hefur einmitt verið höfuðpaurinn á bak við Nitro Circus myndböndin, fyrir þá sem það þekkja, og var fyrstur allra í heiminum til þess að taka tvöfalt heljarstökk á motocross-hjóli. HÉR er heimasíðan hans og HÉR má sjá myndband af honum úr rallinu. Viðbrögð hans við veltunni segja allt sem segja þarf um manninn. Ég mæli eindregið með því að fletta upp fleiri myndböndum með honum á YouTube.

EL GRJÓNÓ

Til skammar...

2007-11-08T23:10:00.000Z

Já, það má með sanni segja að þetta sé til skammar. Við erum ekki að standa okkur í þessu. En það er bara brjálað að gera hjá okkur umsjónarmönnum. Við því er ekkert að gera. Við verðum að bæta úr þessu þegar tími finnst. En ég ætla að skella hér inn nokkrum pælingum.

Smá breyting varð á lögunum okkar vegna þess að UMFÍ var að uppfæra lög sem stönguðust á við okkar. Það voru engar stórar breytingar, bara orðalag. Og jafnframt þurftum við að bæta einum í stjórn, því að þó að Egill hafi verið varamaður þá var hann greinilega með kosningarétt á stjórnarfundum og því vantaði oddamann. Það leiddi til þess að Jón Þór Tómasson er nú kominn í stjórn Hreppakappa sem varaformaður og meðstjórnandi. Þannig að þið megið líka rífast í honum og hann er fyrsti maður til þess að tala við ef ykkur líkar það illa við mín verk að þið viljið losna við mig. Og ég býð Jón Þór velkominn í stjórnina fyrir hönd stjórnarinnar.

Ég fór þann 3. nóvember s.l. á fyrsta formannafund MSÍ. Þar voru saman komnir flest allir formenn akstursíþróttafélaga innan MSÍ. Alla veganna frá félögunum sem skipta einhverju máli. ;)Það var gaman að sitja þann fund þar sem ýmislegt var rætt. T.d. keppnisfyrirkomulag 2008 og keppnisdagatalið. Svo seinna um daginn á sama stað var haldin verðlaunaafhending MSÍ fyrir keppnisárið 2007. Ég mætti þangað líka og sá Einar, Valda, Binna, JóaKef, Aron, Kareni og alla hina taka á móti verðlaununum.

8 nýjir félagar streymdi inn í félagið um daginn. Þeir voru Tómas Þórir, bræðurnir Axel og Eiríkur frá Sandlæk, Einar Einarsson, Guðjón Steinþórsson, Villi frá Skeiðháholti, Villi Þór stuntman sem stekkur á Hondunni af TOYOTA-SCANIUNNI í American Style auglýsingunni og að lokum tel ég upp manninn sem sá um að skrá Skeiðamennina og Gnúpverjana en það er hann Ólafur Freyr frá Björnskoti. Og býð ég þá velkomna í félagið.

Ný hjól streyma líka í félagið. 2008 Honda CRF450-R (MITT), 2008 Honda CRF250-R, 3 ný 2008 Suzuki RMZ-450 með innspýtingunni og svo býð ég eftir því að Begga fái sér Hondu!! :)

Ég föndraði nýjan haus á síðuna, vona að hann sé nógu cool og smooth fyrir þetta félag. Puff, hvað er ég að bulla. Auðvitað er hann nógu cool og smooth. Ég bjó hann til, ég er á honum og Hondan er að hafa KTM-ið. Fullkomið.

Hef ekkert meira eins og er. Ég minni bara enn og aftur á það að það væri frábært ef við heyrðum eitthvað frá félagsmönnum. Hvað finnst þeim um félagið? Hvað finnst þeim vanta? Hvað vilja menn gera? Hvað vilja menn gera betur? Hvað finnst þeim um stjórnina? Eru einhverjar breytingar hjá mönnum varðandi tækjaeign? Félagið getur verið fært um ýmislegt, en það framkvæmir ekki hugmyndir sem koma ekki upp á yfirborðið. Hvað viljiði? Og ég vill fá að heyra frá öllum. Er eitthvað sem við getum gert fyrir yngstu mennina í félaginu? Vilja þeir námskeið í viðhaldi og hjólamennsku? Eigum við að reyna að fá einhver snilling til þess að halda demparanámskeið? Eigum við að reyna að fá snilling til þess að kenna okkur að hjóla? Eigum við að safnast saman sem höfum náð aldri og skemmta okkur með fullorðinsaðferð? Eigum við að fara í lautarferð? Alla veganna.... Látið í ykkur heyra.

Og endilega segið mér hversu töff nýji hausinn er... :)

EL GRJÓNÓ

Keppendur 2008...

2007-10-01T11:45:00.000Z

Þeir sem hafa hug á því að keppa í motocross-i á næsta ári skulu hafa samband við El Grjónó sem fyrst. Smá skipulag þarf að fara í gang fyrir keppnistímabilið sem er gott að drífa af núna. Ég og Jón Þór ætlum a.m.k. að reyna að keppa sem mest á næsta ári. Ef fleiri hafa hug á því mega þeir hafa samband sem fyrst.

EL GRJÓNÓ

Smá um 2008 árgerðirnar í MX1 (450 cc)...

2007-09-21T22:14:00.000Z

ÉG VILL BYRJA Á AÐ SEIGJA AÐ HVERJUM ÞYKIR SINN FUGL FAGUR, HAFIÐ ÞAÐ HUGFAST ÞEGAR ÞIÐ SKOÐIÐ ÞETTA.

En er ekki best að byrja á toppnum. Einar Sigurðarson eru einmitt á svona hjóli að keppa fyrir Íslands hönd í heimsmeistaramótinu sem fer fram í dag (22. sept) og á morgun í Bud´s Creek í USA.

505 SX-F
Verð: 1.029.000 kr.
Vél: 505cc - Fjórgengis
Bensíntankur 8 lítrar
Gírkassi: 4 gírar
Start: Raf- og kickstart
Fjöðrun framan: WP USD Ø 48 mm
Fjöðrun aftan: WP monoshock PDS
Sætishæð: 925mm
Hæð frá jörðu: 380mm
Þyngd (án bensíns): 104 kg

Þetta er reyndar 505cc, persónulega stefni ég á þetta þegar það gamla verður útkeyrt. Sem stendur eru einungis tvö KTM hjól í þessu félagi.
----------------------------------------------------------------------------------

Svo bara meðan ég man.

Verð á einingu (Stykki): kr.860,000

Engine type Liquid-cooled, 4-stroke Single
Displacement 449 cm³
Bore x stroke 96.0 x 62.1 mm
Compression ratio 12.0:1
Valve/Induction system DOHC, 4 valves
Fuel supply/Carburettor Keihin FCR40
Ignition Digital AC-CDI
Starting Primary kick
Transmission 5-speed, return
Frame type Perimeter, aluminium
Rake/Trail 27.1° / 117 mm
Suspension, front 48 mm upside-down AOS-type telescopic fork with 22-way compression and 20-way rebound damping
Suspension, rear New Uni-Trak with adjustable preload, dual-speed (low: 22-way, high: 2-turns or more) compression damping and 22-way rebound damping
Wheel travel, front 315 mm
Wheel travel, rear 315 mm
Tyre, front 90/100-21 57M
Tyre, rear 120/80-19 63M
Brakes, front Single semi-floating 250 mm petal disc, dual-piston
Brakes, rear Single 240 mm petal disc, single-piston
Steering angle, left / right 42° / 42°
Dimensions (L x W x H) 2,185 mm x 820 mm x 1,280 mm
Wheelbase 1,485 mm
Seat height 965 mm
Fuel capacity 7.2 L
Dry weight 99.8 kg
Automatic Headlights On (AHO) n/a
Complies to EU emission limit -

Þetta er reyndar gömul mynd. Það eru komnar svartar gjarðir og annað límmiða-kitt. Þetta er orðið virkilega fallegt hjól. Ég held það sé bara einn Kawi í þessu félagi og er það nýtt 2007 hjól.
----------------------------------------------------------------------------------

Svo fyrir sjálfstæðis mennina.

Tækni
Vél Fjórgengis 5 ventla
Kæling Vatnskæling
Slagrými 449cc
Bensín Blöndungur
Kúpling Kikkstart
Gírar 5
Drif Keðja
Bensíntankur 7 L
Olíutankur 1,2 L
Bremsukerfi framan Diskur
Bremsukerfi aftan Diskur
Framdekk 80/100 - 21 51R
Afturdekk 110/90 - 19 NHS

Lengd (MM) 2196
Breidd (MM) 825
Hæð (MM) 1308
Sætishæð (MM) 1002
Lengd á milli öxla (MM) 1494
Þurrvigt (Kg) 99,8

Mér finst þetta hrikalega töff litur á þessu hjóli, en liturinn er ekki allt, því miður.
----------------------------------------------------------------------------------

Ég veit ekki afhverju ég er að setja þetta inn... jú því þetta er hrottalega flott hjól.

ENGINE

Engine Type 449cc liquid-cooled single-cylinder Unicam four-stroke
Bore and Stroke 96.0mm x 62.1mm
Compression Ratio 12.0:1
Induction 41.0mm Keihin® flat-slid
Ignition CD
DRIVE TRAIN
Transmission Close-ratio five-speed
Final Drive #520 chain; 13T/48T
CHASSIS / SUSPENSION / BRAKES
Front Suspension 47.0mm inverted Showa® cartridge fork with 16-position rebound and 16-position compression damping adjustability; 12.4-inch travel
Rear Suspension Pro-Link® Showa single-shock with spring preload, 13-position [low-speed] and 3.5-turn [high-speed] compression damping and 17-position rebound damping adjustability; 12.5-inch travel
Front Brakes Single-disc with twin-piston caliper
Rear Brake Single-disc
Front Tire 80/100-21
Rear Tire 100/90-19
DIMENSIONS
Rake 26.76 degrees
Trail 111.4 mm (4.3 inches)
Wheelbase 58.6 inches
Seat Height 37.6 inches
Ground Clearance 13.4 inches
Curb Weight 238 lbs (Includes all standard equipment, required fluids and a full tank of fuel—ready to ride)
Fuel Capacity 1.9 gallons, including .07 gallon reserve
OTHER
Available Colors Red, Black (2008 Special Color, Limited Availability)
Model ID CRF450R

Þetta hjól gæti rústað hvað fegurðarsamkeppni sem er. En það er eins með þetta hjól og fegurðardrottningarnar, það er ekkert nema útlitið. RITSKOÐAÐ AF EL GRJÓNÓ; Hondan hefur verið valið cross-hjól ársins 6 ár í röð þó að hún komi ekki með Excel-gjörðum eða Wave-diskum. Og 2008 Hondan er ekki bara orðinn kraftmeiri, heldur er hún komin með stærri bremsudiska og er fyrsta cross-hjólið í sögunni til þess að koma beint frá verksmiðju með stýrisdempara. Ég reikna með að Hondan standi á toppnum 7unda árið í röð og segi; ,,Respect, bitches!!" RITSKOÐUN LÝKUR

Ég er ekki viss en það er heill haugur af Hondum í þessu félagi.
----------------------------------------------------------------------------------

Sagan segir að þetta sé að bætast í flota hreppakappa.

Engine Type 4-stroke, liquid-cooled, DOHC
Engine Displacement 449 cm³ (cc)
Bore x Stroke 95.5 mm x 62.8 mm
Compression Ratio 11.9:1
Transmission 4-speed constant mesh
Overall length 2,185mm (86.0 in.)
Overall width 830 mm (32.7 in.)
Overall height 1,260 mm (50.0 in.)
Wheelbase 1,480 mm (58.3 in.)
Ground clearance 350 mm (13.8 in.)
Seat height 955 mm (37.6 in.)
Dry weight 100 kg (220 lbs.)
Suspension Front SHOWA 47mm telescopic forks, pneumatic/coil spring, oil damped
Rear Swingarm, link type, SHOWA piggyback-reservoir shock
Brakes Front Disc
Rear Disc
Tires Front 90/100-21
Rear 120/80-19
Ignition Type Electronic igniton (CDI)
Fuel tank capacity 7.0 L (1.8 US gal.)

Ég hef bara enga reynslu eða þekkingu á þessum hjólum. Ég veit að þau eru komin með innspýtingu og það verður gaman að sjá hvernig það kemur út. Sagan segir að það séu 2 stykki að koma í klúbbinn.
----------------------------------------------------------------------------------

Þetta er nú bara til samanburðar og til að sýna okkur að við kunnum að velja rétt.

Vél: 449 Fjórgengis
Bensíntankur: 9,2 lítra
Gírkassi: 5 gíra
Start: Kick start
Sætishæð: 980 mm
Þyngd: 106,5 (tilbúið án bensín)
FJÖÐRUN:
Fram Marzocchi 50 mm
Aftur Öhlins (wheel travel 325 mm)
BREMSUDISKAR:
Fram 260 mm fljótandi
Aftur 240 mm fljótandi
DEKKJASTÆRÐ:
Fram 80/100/21” Pirelli
Aftur 110/90/19” Pirelli
Gjarðir: Exel

Þetta er bara hjól og ég get ekkert sagt meira um, nema hvað ég er svektur yfir að þeir geta ekki tekið mynd af réttri hlið.

Við erum allir það greindir að svona hjól er ekki að finna í okkar hóp.

Þetta er svona smá samantekt um þau hjól sem maður er að rekast á dags daglega. Þessi hjól eru öll misjöfn og hafa alla sína kosti og galla. Á KTM-ið vantar kikkið þegar geymirinn er tómur. Hondan, gjarðirnar eru ekki nógu sterkar. Yamminn, linkurinn fyrir fjöðrunina slitnar strax og Kawinn er að fara með heddpakkningar. Það sem mér finnst að sum umboðin mættu laga, og þá sérstaklega KTM, eru upplýsingarnar um hjólin, en flestir fá 8,5.

Ég vil bara að það komi framm að þar sem ég er KTM maður þá verð ég að gera smá grín að hinum gerðunum, líkt og aðrir kæmu til með að gera ef þeir væru að sjá um þessa síðu.

Kveðja,
Jónsi.

Jón er ekki sama og Sigurjón. en reynum.

2007-09-19T22:49:00.000Z

Jæja þá er undirritaður tekinn við síðuni. Allavega meðan lögfræðingur Hreppakappa lærir að verða lögfræðingur. En ég ætla að reyna mitt allra besta til að láta síðuna ganga eins vel og hjá EL-Grjónó þó það verði erfitt. Og ef einhverjar spurningar eða einhver óánægja er er um að gera að senda mér línu og við lögum það í sameiningu. Testasterón 2008, er eitthvað sem við verðum að fara plana, ég ætla að henda inn á næstuni nokkrum hugsanlegum plönum varðandi hvenar við færum af stað og hvar við munum enda, og hvaða brautir við komum til með að hjóla í. Þetta er eitthvað sem við verðum allir að taka þátt í að plana. Þegar við erum komnir með plan skal ég fara ofan í gististaðina. Mig langar að mynna ykkur sem áhuga hafa á að Langasands-keppnin er 29 september það gæti verið gaman að kíkja á það.
Ég hef svo sem ekkert meira að seigja í bili nema að ég vona að þið séuð sátt við þessa breytingu á umsjónarmanni á síðuni.

Kveðja Jónsi.

Nýr maður í brúnni...

2007-09-17T14:12:00.000Z

Þar sem ég verð núna að hella mér yfir nám og vinnu mun ég hafa takmarkaðan tíma til þess að sinna málum félagsins. Reyndar virðist ekki mikið hafa gerst undanfarið og er það einmitt vegna þess að ég hef ekki haft tíma. Ég ætlaði að reyna að vera duglegri við að uppfæra síðuna og eitthvað en allt kom fyrir ekki.
En örvæntið ekki. Félagi Jón Þór sem hefur gert helling fyrir þetta félag ætlar sér að gera enn meira fyrir það. Hann mun taka við vefstjórn og annað á meðan ég er frá og einnig mun hann sjá um skipulagningu Testósteróns 2008. Þeir sem ætla í þá ferð mega fara að láta í sér heyra svo hann hafi hugmynd um hvernig skuli útfæra þessa ferð.
Þannig að hann mun sjá um allar beiðnir og athugasemdir sem við tökum þó enn á móti á netfangi félagsins. Einnig hvetjum við menn til þess að tjá sig í athugasemdum og láta okkur vita ef þið hafið hugmyndir um afþreyingu, mót til þess að keppa í eða bara hvað sem er. Allar hugmyndir eru vel þegnar.
Hins vegar er uppskeruhátíð MSÍ framundan og þangað mun ég mæta á formannsfund til þess að kynna félagið og komast inn í gang mála þar.

EL GRJÓNÓ

ps. Hvernig væri nú að borga peysurnar, þeir sem eiga það eftir??

Testósterón 2007 á netinu...

2007-09-10T21:32:00.000Z

Online Videos by Veoh.com
"Hér líka"
HALDIÐI ekki bara að snillingurinn og Hreppakappinn hann Sigurbjörn bróðir minn hafi reddað heimildamyndinni góðu á netið. Hér getið þið séð hana. Hún er reyndar ekki í bestu gæðunum þarna en er þó sjáanleg. Þeir sem vilja fá hana í alvöru gæðum verða bara að láta mig vita. Svo verðum við að hittast svo þið getið fengið hana á "flakkara" eða þið getið komið til mín skrifanlegum disk. ENJOY!

EL GRJÓNÓ

2003 Honda CRF-450R til sölu...

2007-09-10T13:20:00.001Z

Hjól formannsins er til sölu, 2003 árgerðin af Honda CRF450-R. Óbrjótanlegt ASV kúplingshandfang, Pro Taper stýri, ný dekk (bæði að framan og aftan), nýtt FMF púst (bæði rörið og kúturinn (ónotað)), komnir ca 30 tímar á stimpilinn sem fór nýr í hjólið í vor. 120 tímar í næstu skipti. Ný keðja og tannhjól í vor. Topp viðhald hefur verið hjá núverandi eiganda. Með fylgja tvær lítið notaðar tankhlífar og frambretti með sprungu í. Hjólið er á skrá og er ásett verð 310.000 kr. Upplýsingar í ssj3@hi.is eða 866-9035. REYNDAR er nýji kúturinn ekki kominn, en hann á að koma í vikunni. Þetta er mjög traust og gott hjól ef viðhaldið er gott. Hondan hefur núna náð því að vera motocross-hjól ársins í USA 6 ár í röð og var þetta hjól einmitt í þeirri röð. Þetta er reyndar gömul mynd af hjólinu en þarna má sjá tankhlífarnar sem fylgja. Hjólið er á höfuðborgarsvæðinu núna og get ég sýnt mönnum það þar. En það getur reyndar ekki farið í gang fyrr en kúturinn kemur því ég kann ágætlega við það að hafa heyrn.

EL GRJÓNÓ

Peysurnar eru komnar...

2007-09-01T08:50:00.000Z

JÆJA, peysurnar eru komnar. Þær eru hjá mér og Ágústi. Þið verðið að hafa samband við okkur þegar þið viljið nálgast þær. Við eru reyndar ekki á heimleið um helgina þannig að þið verðið bara að prófa að hafa samband þegar þið komið í borgina. Og þeir sem eru ekki búnir að borga fá ekki peysur fyrr en þeir eru búnir að því.
BOX. Við tókum okkur til í félaginu og smöluðum okkur í 6 manna hóp sem fór að mæta á box-æfingar í Hnefaleikastöðinni/Gym80. Þetta er kallað fitness-box og gengur meira út á líkamlegu þjálfunina í kringum boxið og minna út á tæknina. Þetta er gert til þess að koma alvöru þoli í liðið og brenna allri óþarfa fitu í burtu. Og trúið mér, þetta er hrikalega erfið þjálfun sem mun skila sér heldur betur í hjólamennskurnar. Það eru ég, Ágúst, Gummi, Jón Þór, Anna og Berglind sem erum að mæta á þessar æfingar. Egill er heima í sveit og vona ég að hann sé duglegur að æfa þar fyrir næsta ár. Stefnan er svo tekin á Klaustur og líklega íslandsmótið í motocross-i á næsta ári. Þá verða Hreppakappar með lið.
ÉG ætla svo að reyna að koma inn myndum sem eiga eftir að fara á netið og klippa til myndbönd úr traktorstorfærunni og motocross-mótinu.

EL GRJÓNÓ

Testósterón...

2007-08-12T00:22:00.000Z

Jæja, ég var að ljúka við að klippa saman heimildarmyndina um ferðina góðu sem við kölluðum Testósterón 2007. Nú þarf ég bara að finna stað fyrir hana á netinu svo þið getið sótt hana. Hún er 511 mb þannig að ef þið vitið um svæði sem geymir svo stórar skrár, þá megið þið láta mig vita. Og í framhaldi af því vill ég gjarnan fá að heyra hverjir ætla sér að koma með í Testósterón 2008. Þó að nafnið verði kannski mis-viðeigandi næst því í þessum 7 manna hópi sem þegar er skráður í ferðina, eru tvær dömur. Kannski við verðum að breyta titilinum í Estró-Testó-2008. Það er best að menn taki bara vikurnar fyrir og eftir 17. júní á næsta ári frá strax. Þá þarf ég ekki að hlusta á menn sem tala um að koma en muna svo á síðustu stundu eftir því að þeir hafi ætlað gera eitthvað annað. Takið dagana frá áður en þið klínið einhverju öðru á þá. Og ég mæli með ferðinni því hún er hrikalega góð.

EL GRJÓNÓ

Verslunarmannahelgin 2007. Traktorstorfæran og motocross.

2007-08-09T11:22:00.000Z

MOTOCROSS. Nú hefur AHK haldið sitt fyrsta motocross-mót. Og var það haldið í brautinni sem var fyrsta tilraun AHK til þess að búa til braut. Við gerðum brautina í landi Þorleifs á Hverabakka og fær hann okkar bestu þakkir fyrir að gera þetta mögulegt. Brautin virðist bara hafa heppnast vel. Að undanskildum einum palli sem hefði þurft meira pláss til þess að virka sem skyldi. En þá var ekkert annað að gera en að jafna hann og búa til stökkpall annarsstaðar í staðinn. En aftur að mótinu. 7 keppendur voru í motocross-flokki og 2 í fjórhjólaflokki. Þarna uppi má sjá verðlaunahafana í motocross-flokki. Erlingur í fyrsta sæti, Ágúst í öðru og Jón Þór í því þriðja. Í fjórhjólaflokki voru feðgar að eigast við. Þeir voru jafnir eftir 2 umferðir en í þeirri þriðju velti sá yngri hjólinu. Hann var sem betur fer vel klæddur í öryggisgalla og hefur hann bjargað miklu þar. Og vil ég hér þakka Borgþóri og Steingrími í björgunarfélaginu Eyvindi fyrir að hafa staðið vörð í keppninni á sjúkrabílnum og sýndu þeir skjót og góð viðbrögð þegar slysið varð. Einnig vil ég þakka Vífilfelli fyrir Berg-Topp og Kappa Kakómjólk til þess að sjá til þess að enginn yrði þyrstur. Einnig sköffuðu þeir verðlaunin. Og að lokum vil ég þakka Gröfumönnum ehf og þá sérstaklega Jóni Þór
sem sá til þess að þetta væri allt mögulegt.

TRAKTORSTORFÆRAN. Einnig komu Hreppakappar að traktorstorfærunni. Hún var í boði Jötunn Véla, Vífilfells og Kaupþings. Og þökkum við þeim kærlega fyrir. Hún fór bara vel fram og endaði hún þannig að Ölvir Karl varð heimsmeistari, Einar Sigurjónsson annar og Kristinn Eiríksson þriðji. Einnig vann Kristinn tilþrifaverðlaunin. Brautin var nú dýpri en áður hafði sést og um stund virtist Einar þurfa öndunarpípu sem náði upp fyrir þak. Reyndar virtist vanta þá í staðinn hraða kafla í brautina en við vorum að koma að brautargerð fyrir þessa keppni fyrst núna.
Ég er að smala myndum af báðum keppnum og munu þær koma fljótlega inn. Svo mun ég klippa til "hápunkta-myndband" úr báðum keppnum. Þau munu koma hér inn.

EL GRJÓNÓ

Peysur, mót, nýir félagsmenn og Hekluferð.

2007-07-24T18:23:00.000Z

PEYSUR. Jæja, Merkt er búið að senda mér tilboð í peysur á alla. Og ef við tökum peysur með öllum logo-unum og náum nógu stórri pöntun þá getum við fengið hverja peysu á 6.800 kr. Það er gott verð miðað við að þetta eru góðar peysur og á þeim eru mörg merki. Þannig að nú vill ég að allir sem vilja peysu láti vita sem allra fyrst. Og þá þarf líka að tilkynna nafn sem á að koma framan á peysunum og stærð. Þetta eru svartar órenndar hettupeysur og þær hafa reynst hlýjar. Ég, Ágúst og Egill fengum okkur allir X-large því þessar peysur minnka aðeins við fyrsta þvott. Og er mín t.d. mjög passleg eftir það. Large hefði verið í það minnsta fyrir mig. Gummi er í XX-Large og því bendi ég þeim sem vita ekki hvaða stærð þeir þurfa og hafa ekki tök á að komast til Reykjavíkur í Merkt að máta, að reyna að fá að máta hjá einhverjum okkar til þess að sjá hvaða stærð þið þurfið. Fyrir yngri strákana sem sjá kannski ekki hvaða stærð þeir þurfa ættu þá bara að fara í Merkt í Faxafeni og máta peysu þar. Fyrirtækið Merkt er í sama húsi og 66 gráður norður og er það "Hagkaups-megin" á húsinu. Ég ætla að fara þangað með félagaskránna og þá getið þið bara sagst vera að koma til þess að máta peysu og látið þá bara merkja við ykkur á listanum. Þar læt ég þær merkja inn stærð og nafn sem á að koma á peysunni. Allar nánari upplýsingar er hægt að nálgast hjá mér í s: 866-9035 eða e-mail á hreppakappar@gmail.com . Ég hendi hérna inn myndum sem ég hafði og sýna þessar peysur nokkuð vel. Og því fyrr sem ég fæ að vita hverjir ætla að fá, því betra.

MÓT. Við stefnum á að hafa motocross-mót innan félagsins um verslunarmannahelgina. Í rauninni ætlum við að henda upp lítilli æfingabraut og eiga góðan dag. Og reyna að krýna motocross-kóng Hreppakappa 2007. Hvetjum við alla til þess að mæta en við auglýsum það nánar þegar það skýrist. ATH.ATH. Einungis skráð hjól mega taka þátt í mótinu. Enn er tími til þess að redda skráningu og númeri á óskráð hjól fyrir keppni og þið eruð ekki bara að skrá hjólin fyrir keppni, það margborgar sig að hafa hjólið skráð og tryggt.
NÝJIR FÉLAGSMENN OG HEKLUFERÐ. Ég og Jón Þór skruppum að rótum Heklu síðasta laugardag ásamt tveimur hjólurum úr borginni. Á næstu dögum koma inn myndir og jafnvel myndbönd frá því. Þar áttum við góðan dag því það er alltaf gaman að hjóla við Heklu. Svo fór það þannig að þessir tveir hjólarar gengu í félagið. Þið getið séð hverjar ÞÆR eru í félagaskránni. Þannig að nú stefnir í að við getum bráðlega verið með stelpulið í motocrossinu. Þannig að ég býð nýju félagskonurnar velkomnar. Og eru þær ekki þær einu sem eru gengnar í félagið heldur eru einn Gnúpverji búinn að ríða á vaðið og er það Árni Már Einarsson sem kom til liðs við okkur og býð ég hann velkominn líka. Ég á reyndar eftir að skrá hann í félagaskránna. Og ég ætla að nýta tækifærið og hvetja menn til þess að senda mér myndir fyrir félagaskránna og láta mig vita ef ný tæki hafa bæst við hjá eigendum.

Ekki fleira í bili. Endilega látið mig vita með peysurnar sem fyrst.

EL GRJÓNÓ

Jamm og jú...

2007-07-18T18:10:00.000Z

Afréttarferðin verður blásin af. Tímabundið alla veganna. Hún verður ekki núna um helgina vegna ýmissa aðstæðna.
SMS kerfið er bilað hjá mér og því hafa engin SMS borist varðandi ferðina.
Ef menn hafa einhverjar hugmyndir að almennum fíflagang er um að gera að hafa samband við stjórnina.
Þetta var voða dauft en verður að duga í bili.

EL GRJÓNÓ

JóiKef invitationals...

2007-07-08T14:12:00.000Z

JóiKef hélt í gær afmælismót í Sólbrekkubraut. Þar var keppt í Head2Head sem þýðir einn á einn og þá var bara tekinn einn hringur í brautinni. Svo var útsláttarfyrirkomulag þannig að maður þurfti að vinna til þess að komast áfram. Keppendur drógu númer og var það röðin sem keppt var í. Ég, Gummi og Jónsi fórum að keppa upp á grín. Og er ég ekki frá því að það hafi verið stress í mönnum fyrir keppni. Við komumst nú ekki áfram en við vorum líka nánast einu mennirnir þarna sem tilheyra ekki liði í íslandsmóti eða hafa unnið mót og titla í greininni. En þegar upp var staðið var þetta hrikalega gaman og gaf góða innsýn í keppni. Ég stal þessari mynd þarna frá Binna í Team Morgan en á síðunni þeirra er einmitt hægt að lesa meira um mótið, sjá myndir og væntanlega myndband.

EL GRJÓNÓ

Hekla og Hrunamannaafréttur...

2007-07-02T21:02:00.000Z

NÍU Hreppakappar voru samankomnir við rætur Heklu um helgina og var heldur betur tekið á því. Og fóru sumir fyrr heim en aðrir. :) Reyndar fóru tveir með sprungin afturdekk vegna þess að einhvern veginn misfórst að hafa eitthvað með til þess að pumpa í dekkin. Það er víst ekki nóg að hafa bætur og verkfæri. Loft verður líka að vera til staðar. Úrbræðslubrekkan var sigruð og voru Klárlega Tæknileg Mistök í gangi hjá sumum sem blótuðu Hondunum og vildu skipta yfir í appelsínu-hjól. Spurning hvernig þau mál þróast. Í hópnum var einn í yngri kantinum og stóð hann sig bara vel. Gott að sjá metnað í ungum mönnum.
FÉLAGINU hefur ekki verið boðið svæði enn, svo nú er kominn tími að tala við landeigendur. Það ferli var að detta í gang og vonandi kemur eitthvað upp. En það gæti verið erfitt. Við verðum bara að vera vongóðir og passa að skemma ekki fyrir sjálfum okkur með einhverju bulli og veseni.
PEYSUMÁLIN eru komin á byrjunarreit vegna þess að gaurinn hjá Merkt hætti. Svo eru þau að drukkna í verkefnum og okkar beiðni datt upp fyrir. Ég er farinn að vinna í því.
FERÐ. Næsta ferð félagsins verður tveggja daga ferð inn á Hrunamannaafrétt. Það er ferð fyrir cross-, enduro-, fjór- og sexhjól. Einnig jeppa og þyrlur. Hugsunin er að þruma inn að Kerlingarfjöllum, taka hring og gista síðan annað hvort í Leppistungum eða Helgaskála. Grilla við skálann og taka íslenska menningu á þetta. Þess vegna verður 18 ára aldurstakmark í þessa ferð. Mín hugmynd er að fara laugardaginn 21. júlí og koma heim daginn eftir. En þá kemur að hlið sem ég þekki ekki. Þurfum við ekki að panta skála? Og hver er skálavörður? Svo vantar "trúss" fyrir bensín og aðrar vistir. En ég er að vona að einhverjir jeppar fáist í ferðina og hægt sé að nýta þá í það. Annars vil ég fá svör, athugasemdir, hugmyndir og tilkynningar um þátttöku og umræðu í athugasemdum. Ekki vera feimnir, skipuleggjum góða ferð með "haug" af mannskap.

EL GRJÓNÓ

Fyrsta myndbandið og Hekluferð...

2007-06-27T09:56:00.001Z

Jæja. Hér er komið fyrsta myndband Hreppakappa. Þetta er tekið upp af hreppakappa. Það er hreppakappi að keppa á myndbandinu. Og það er hreppakappi sem klúðraði þessu saman á tölvunni sinni. Áhugamannamyndband út í gegn og því ekki hægt að kvarta yfir því að þetta sé ekki í gæðum á borð við það sem sjónvarpsstöð gæti gert. Þetta tókst loksins eftir að rétta forritið fannst og mér tókst að læra á það. Næsta verkefni er að skella saman í heimildarmynd um ferðina góðu.
HEKLA. Við ætlum að fara að rótum Heklu á laugardaginn og stefnum við á að leggja af stað um 10 leytið. Þeir sem þurfa flutning fyrir hjólið skulu láta stjórnina vita. Við reddum því. Sú niðurstaða var fengin að 85cc sé lágmarksstærð á hjólum en þau eru þó fullgild. Og fyrir þá sem velta fyrir sér aðstæðum þarna, þá er þetta allt vikur. Hann er misþéttur en býður ekki upp á mikið grip. Einnig slítur hann afturdekkinu frekar mikið. Þarna eru líka langar og brattar brekkur í bland við lækjarsprænu og ýmsar sléttur. Þetta er mjög gaman og geta allir fundið eitthvað við sitt hæfi. En þar sem þetta reynir mikið á hjólið mæli ég með nýrri olíu á mótor, hreinni loftsíu og passa að það sé nóg á vatnskassanum. Jafnvel að hafa með litla flösku af blönduðum frostlegi. CRF-ið mitt þornaði alla veganna svolítið síðast þegar ég fór. Fullur tankur og einn 10 lítra brúsi af bensíni er nóg og muna að smyrja keðjuna vel kvöldinu áður. Og þar sem við viljum ekki horfa upp á slasaða menn tökum við ekki annað í mál en að menn séu í fullgildum hlífðargalla. Ef einhverjir hafa frekari spurningar þá er þeim bent á að hafa samband við stjórnina.

EL GRJÓNÓ

Ferðin búin, bara framtíðin eftir... :)

2007-06-18T23:20:00.000Z

JÆJA, nú er Testósterón 2007 lokið. Þetta var hreint mögnuð ferð og þakka ég samferðamönnum mínum kærlega fyrir magnaða ferð. Og undirbúiningur fyrir Testósterón 2008 er hafinn. Skráning í hana hefst líklega samt ekki fyrr en í haust. Myndir eiga eftir að leka inn á næstu dögum og vinna við að raða saman léttri heimildamynd fer fljótlega af stað.

FYRSTA KEPPNIN sem HreppaKappar taka þátt í hefur þegar farið fram. Við fengum tengingu og keppnisréttindi á laugardag því þá fór fram fundur HSK þar sem umsókn okkar var tekin fyrir og félagið varð hluti af íslensku íþróttalífi. Og þar sem okkur er alvara þá var sama dag í fyrsta skipti maður að keppa á okkar vegum í móti. Það var félagi Erlingur Þór Cooper á Pontiac Trans Am 5,7 sem tók þátt í götuspyrnunni á Akureyri á bíladögum B.A. En þar sem mótherjarnir gegn óbreyttum Trans Am voru t.d. 590 hö. Cobra, 511 hö M.B. E55AMG, 525 hö. D. Charger SRT-8 og tveir kvartmílubílar sem töldu einhver helling hestafla yfir 600 þá varð ekki mikið um sigra. En spyrnur og spól frá Erlingi náðust á myndband og mun það koma inn á næstunni.
AUGLÝSING frá félaginu birtist í síðasta Pésa og engin viðbrögð hafa fengist við henni. Þannig að næsta skref er að hafa samband við landeigendur og athuga áhuga þar.
PEYSUR. Tilboð fer að berast frá Merkt og þá verður sent SMS á félagið. Því verður að svara til þess að tilkynna pöntun á peysu og nafn sem birtast skal á peysunni.
FÉLAGSLÍF. Fyrirhuguð er ferð að rótum Heklu laugardaginn 30. júní. Laugardagur fullur af fíflagang og skemmtun. Sú ferð verður auglýst nánar síðar og einnig verður send út tilkynning. Einnig stefnum við á að skreppa í tveggja daga ferð inn á Hrunamannaafrétt í júlí en við munum hafa 18 ára aldurstakmark í þá ferð.

Ekki fleira í þetta sinn.
EL GRJÓNÓ

Testósterón 2007. Dagur 2 og 3. Vík og Höfn

2007-06-12T23:31:00.000Z

Jæja. Hér er bara búið að vera svo gaman að við höfum ekki haft tíma til þess að færa fréttir á netið. En nú er um að gera að bæta úr því. Í gær hjóluðum við á Sólheimasandi og það var viðbjóðslega gaman. Gummi prjónaði yfir sig, he he, og Egill flaug fram fyrir sig í stökki. Og brekkurnar á Sólheimasandi voru alveg ágætar, tókum nokkur ágætis stökk og allt gekk vel nema hjá Gumma. :) Og svo var það Höfn í Hornafirði. Þar fórum við í motocross-braut sem tók hel... vel í hendurnar. Egill var hel.. snöggur í brautinni og þar voru ágætis stökkpallar og eitt leiddi af öðru. Fyrst flaug Grjóni einhvern veginn aftur yfir sig og lenti harkalega á RASSGATINU með því að gera sömu mistök og á Hellu. Eftir það virtist allt ganga upp en NEI, þá kemur Gústi að stökkpalli og lendingin var ekkert alltof góð svo hann flaug af hjólinu og rúllaði í nokkra hringi og sá stjörnur þegar allt var yfir staðið. Því miður lentu Gummi og Egill ekki í neinu óhappi núna en það eru alla veganna 3 dagar eftir svo það er bara bíða og sjá. :)

Honda crew-ið það var mætt, og það endaði frekar illa... :)

ps. á http://picasaweb.google.com/hreppakappar er hægt að sjá myndir úr ferðinni. Öll myndböndin verða síðan klippt til í heimildarmyndina.

Testósterón 2007. Dagur 1. Hella.

2007-06-10T21:28:00.000Z

Vorum lentir á Hellu rétt um 2 leytið eftir hádegi. Veðrið gat ekki verið betra fyrir þessa iðju. Logn, þurrt og engin sól. Því hitinn varð gríðarlegur og því fylgdi bara svitabað. Um hálftíma eftir að akstur hófst rauk formaðurinn heldur betur upp á afturendann og vel rúmlega það. Þá var ekkert annað að gera en að finna sér vír til þess að laga hliðar-plastið sem lokar lofthreinsaranum. Varamaðurinn fór síðan á trýnið og braut bremsuhandfang. Annars leið dagurinn tjónalaust og bara með þessum stöðluðu aulaveltum. Ritarinn og gjaldkerinn héldu sínum hjólum tjónlausum, en hey, þetta var bara dagur 1. Gefum þeim séns. Aðstæðurnar á Hellu voru hrikalega skemmtilegar. Aumir framhandleggir og önnur þreyta segir mikið til sín núna. Umfelgun, menning (bjórdrykkja og "markaðs"rölt) og skipulaging morgundagsins er það sem tekur við núna eftir vel útilátna og góða máltíð hjá "tengdó" í Vík. Kjúlli og rjómapönnsur hitta alveg í mark. Í dag kom einnig fyrsta reynslan á myndbandsupptökuhæfni formannsins og þegar Egill var beðinn um að taka áhættusamt stökk tvisvar í viðbót svo það næðist loksins almennilega á mynd var hann ekki al-kátur. En árangurinn varð góður og mun lenda í heimildarmyndinni þegar hún hefur verið klippt til. Ljósmyndir verða færðar inn seinna. Þó þær hafi ekki verið margar þennan daginn því það er miklu skemmtilegra að hjóla en taka myndir... :)

EL GRJÓNÓ

Testósterón 2007

2007-06-08T21:31:00.000Z

Á sunnudagsmorguninn mun stjórnin leggja af stað í ferðina miklu sem fengið hefur nafnið Testósterón 2007. Markmiðið er að vera sýnilegir og umframt allt hafa gaman af. Við verðum í peysunum, erum búnir að merkja eitthvað af motocross-treyjum líka og fánarnir verða tilbúnir fljótlega. Ef þessi ferð mun ganga vel, mun skráning í svona hringferð ábyggilega fara af stað fyrir næsta ár. Og þá munum við vonandi fjölmenna. Einn stjórnarmeðlimur splæsti í nýja myndbandsupptökuvél og myndavélar verða með í för. Markmiðið er að uppfæra síðuna með myndum og léttri ferðasögu flest kvöldin þannig að hægt verður að fylgjast með okkur þar.
En fyrir þá félagsmenn sem hafa fengið það á tilfinninguna að ekkert sé í gangi, þá skil ég það vel. En ýmislegt er samt búið að gerast og er í farveginum. Félagið er nú skráð og komið með kennitölu. Bankareikningur á nafni félagsins verður fljótlega stofnaður og verður hann notaður fyrir styrki sem félagið fær og í tengslum við allt félagsstarfið. Umsóknin er lent hjá stjórn HSK og mun hún funda 16. júní. Og þá fær félagið bráðabirgðaaðild að HSK sem þýðir að við erum komnir með keppnisleyfi um leið og við erum búnir að útbúa samþykkta braut. Þannig að félagið er komið í gott stand í pappírsmálum.
Og varðandi peysurnar, að þá fæ ég tilboð frá Merkt í pöntunina í næstu viku og ef mér líst vel á það sem þeir bjóða mun ég taka niður nöfn þeirra sem vilja peysu og panta á allt liðið. Vonandi taka allir þátt í því og verða duglegir að ganga í peysunum.
Heimasíðan hefur reyndar setið svolítið á hakanum undanfarið vegna undirbúnings við ferðina, en það mun breytast, vonandi í ferðinni með ferðasögum og myndum og eftir ferð.
Einnig mun birtast í næsta Pésa létt kynning á félaginu og þar verður einnig auglýst eftir svæði, ef einhver landeigandi skyldi vera tilbúin í þetta verkefni með okkur.

EL GRJÓNÓ

Félagið hefur verið stofnað...

2007-05-19T19:25:00.000Z

Í dag fór fram stofnfundur AHK og er þetta því orðið að veruleika. Félagaskráning fór fram úr öllum vonum og eru lokatölur í dag 40 manns. Þannig að nú er bara að ganga frá skráningunni í UMFH og ýmis önnur pappírsmál. Á fundarstað var líka ágætis safn af farartækjum, leiktækjum og þar á meðal keppnisgræjur sem hafa sópað inn heimsmeistaratitlum. Og það er ekkert grín. Lögin góðu voru samþykkt og stakk fundarstjóri upp á því að stofnendur yrðu fyrsta stjórn þessa ágæta félags og var það samþykkt. Sem gefur eftirfarandi niðurstöður. Sigurjón EL GRJÓNÓ Snær Jónsson er formaður, Guðmundir BANGSINN Ingi Einarsson gjaldkeri, Ágúst SCHEVING Jónsson ritari og Egill JÓHANNSON varamaður. Og þeir eru frá vinstri í sömu röð og stjórnin eru talin upp hér að ofan. Glöggir lesendur sjá þó líklega að Egill varamaður er ekki á myndinni. Enda er hann bara varamaður.

En þá er spurningin, hvað er næst? Næst er að sjálfsögðu stærsta hráefnið í þessa gleðiköku, og það er að finna svæði fyrir félagið. Þar er stefnan að byrja á motocross-i og þar af leiðandi útbúa motocross-braut. Þannig að nú hefst leit og samningviðræður sem mun vonandi skila góðum árangri.

Einnig verðum við að sýna okkur út á við og því sýnist mér stefna í mikla peysupöntun núna. Það verður líka bara stemmning í því. Verð að semja við Merkt í skeifunni en þeir sáu um merkinguna á fyrstu 4 peysunum sem líta vel út.

Svo líður senn að Testósterón 2007. En það er ferð sem að stofnendurnir ætla að fara í til þess að "prómóta" félagið og hafa gaman af. Skipulagið þar gengur út á að fara hringinn í kringum landið með cross-hjólin, hjóla á mörgum stöðum á leiðinni hringinn og umfram allt leika sér. Markmiðið er að gera þá ferð að árlegum viðburði hjá félaginu þannig að hún er prufukeyrsla líka.

Held ég hafi ekki frá fleiru að segja, það er bara nóg að smella á myndina uppi til þess að sjá sýnishorn af fundinum.

Bestu kveðjur

Sigurjón EL GRJÓNÓ Snær Jónsson

Stofnfundur...

2007-05-16T21:10:00.000Z

Laugardaginn 19. maí næstkomandi verður stofnfundur Akstursíþróttafélags HreppaKappa haldinn á Útlaganum Flúðum. Og mun hann hefjast klukkan 15:00. Þetta er fyrsta alvöru akstursíþróttafélagið í Hrunamannahreppi og er ýmislegt sem þarf að gera, en fyrst og fremst er að hittast og stofna félagið. Stofnendur verða þó mættir klukan 14:00 með myndbönd og tilbúnir í spjall. Allir eru velkomnir og skorum við á sem flesta til þess að mæta. Sérstaklega þá og þær sem hafa áhuga á akstursíþróttum.
Sjáumst þar!

Kveðja,
Sigurjón Snær Jónsson
Guðmundur Ingi Einarsson
Ágúst Scheving Jónsson
Egill Jóhannsson